Во скопската населба Ново Лисиче денеска е отворена нова детска градинка со капацитет за згрижување 200 деца.
– Станува збор за модерен објект во рамките на градинката „Буба мара“, кој ги исполнува сите неопходни стандарди и обезбедува современи услови за згрижување и престој на деца од претшколска возраст – изјави градоначалникот на Општина Аеродром, Златко Марин.

Новата градинка содржи 8 занимални со сопствени санитарни јазли и кујна, а вкупната површина е 1.500 квадратни метри. Со овој објект градинката „Буба мара“ доби двојно поголем капацитет за згрижување, со што ќе се задоволи реалната потреба на семејствата во Ново Лисиче.
Во наредниот период, како што најави градоначалникот Марин, ќе се изградат уште две нови градинки. Едната во дворот на училиштето „Блаже Конески“ во населбата Мичурин, а другата кај постојниот објект на детската градинка „Црвенкапа“ во Стар Аеродром.

Фото: Општина Аеродром