„Јадете овошје!“ Речиси и да нема мајка која не ја кажува оваа реченица секој ден, особено во летните месеци кога има многу свежо овошје. Сепак, како и со сѐ друго – не треба да претеруваме ниту со овошјето.

Детскиот нутриционист Менди Сахер објаснува дека умереноста е клучна за здравјето, а така е и кога станува збор за овошјето.

-Овошјето е супер здраво, но можеме и да претераме – вели таа и додала дека родителите треба да се стремат кон две порции дневно за децата, но ако се многу активни – тој број може да го зголемат на три. Вистинскиот проблем настанува кога овошјето почнува да заменува друга храна или кога се јаде со секој оброк во денот.

-Многу луѓе јадат овошје по секој главен оброк, но важно е грицките и оброците да бидат одвоени. Фокусирајте се на протеините и зеленчукот за време на оброците, а овошјето зачувајте го за наутро или попладне.

Кое е „најдоброто“ овошје за децата?

Таа нагласува дека секое овошје има свои придобивки, но општо правило е да се избере она што природно има помалку шеќер, како што се бобинките. Додава дека е важно да се избира свежо овошје наместо обработеното на кој било начин.

-Децата треба да јадат храна која е поприродна и блиска до природата. Избегнувајте грицки како преработеното суво овошје. Иако сувото овошје треба да ги содржи сите витамини и минерали кои може да се најдат во свежото овошје, тоа станува нездраво ако се исуши. Дајте им на децата свежо овошје во целосна форма, особено ако е сезонско, на тој начин ќе се погрижите да ги добие сите хранливи материи – објаснува таа.

Купувајте сезонски и локално

-Сета храна што не е локално произведена е поверојатно полна со пестициди – вели нутриционистот и додава дека е важно на детето да му се обезбеди проверена храна, вклучително и проверено и чисто овошје.

Да им рамнотежа

Овошјето нека биде она најслаткото во детската исхрана.

-Навистина е важно да бидете сигурни дека не е засладено сè во исхраната на вашето дете. Појадокот не треба да биде полн со мед или засладено овошје, ручекот не треба секогаш да биде проследен со десерт, а вечерите никогаш не треба да бидат слатки.

Нутриционистот додава дека децата треба да се научат да го прошират опсегот на вкусови.

-Јогуртот е одличен избор за да го запознаете вашето дете со кисела храна. Но, не купувајте засладени верзии, ако сакате да додадете нешто слатко, наместо тоа, ставете малку овошје во обичен јогурт.

Паметно купувајте

Покрај фокусирањето на локалната и свежата храна, важно е да ги читате етикетите на храната за да бидете сигурни дека правите квалитетни избори.

-Секако дека немаме сите домашна храна и мораме да се потпреме на производите на кои можеме да им веруваме оти нема да содржат скриени шеќери. Не сакаме да го демонизираме шеќерот, но сакаме децата да научат да донесуваат свесни одлуки кога е во прашање исхраната – заклучува Сахер.

Извор