Многу родители денес се голем под стрес. Живееме во свет каде што секој ден се појавуваат нови причини за загриженост. Од родителите се очекува да се грижат за однесувањето на своето дете или адолесцент, за неговиот развој, за неговото ментално здравје, за сопствениот пристап кон родителството, но покрај тоа, тие размислуваат и за пукањата во училиштата, дрогата, предаторите на социјалните медиуми, околината… Толку многу работи можат да тргнат наопаку. И така доаѓа родителската анксиозност и стрес.

И како тоа да не е доволно. Постои страв дека вашата сопствена анксиозност може да влијае врз вашето дете, па така да развие ментални проблеми.

Секако, одредено ниво на анксиозност помага да се остане безбеден, но исклучително е важно родителите да бидат што е можно посмирени и она што е навистина важно – да се поврзат со љубовта што ја чувствуваат кон своето дете и да се обидат да се грижат за себе.

Звучи едноставно, нели? Можеби не, но кога се чувствувате силни и смирени, тогаш сте на најдоброто можно место за да му го дадете на вашето дете она што му е потребно, намалувајќи ја вашата и неговата анксиозност.

7 совети за преживување (за секој родител):

Сакајте го вашето дете

Без оглед на сè што се случува во светот, во вашето семејство и со вашето дете, поврзете се со љубовта што ја чувствувате кон него. Вашето дете ја чувствува вашата љубов и му е потребна повеќе од сè што можете да купите или да направите за него. Ова е приоритет број еден.

Признајте ја вашата вознемиреност

Дозволете си да бидете вознемирени. Анксиозноста не е само нормална и предвидлива во хаотичен свет (а уште повеќе ако сте родител), туку е корисна и за да се заштитите себеси, вашето семејство и вашата заедница.

Грижете се за себе

Исхрана, сон, физичка активност, време поминато на отворено, социјализација, тишина – сите добри работи што се обидувате да му ги обезбедите на вашето дете се важни и за вас. Ќе бидете подобар родител кога ќе се чувствувате силни, здрави и среќни, затоа побарајте начини да го постигнете тоа.

Побарајте помош

Родителите денес се чувствуваат поосамени и поизолирани од кога било. Ако тоа важи и за вас, време е да инвестирате енергија во градење социјална поддршка. Разговарајте со пријатели, роднини, соседи или експерти за тоа што ве мачи или едноставно одете со некого на кафе.

Помогнете им на другите

Видете кој би можел да има корист од вашата помош. Може да биде нешто мало, како носење неколку колачиња на сосед кој се бори со две мали деца, или нешто поголемо, како политички активизам ако видите потреба за промена. Неврохемијата на давањето на другите е моќна. Кога му помагате некому, ја зајакнувате вашата мрежа за социјална поддршка и се чувствувате подобро во врска со себе и вашите проблеми. Исто така, го правите светот подобро место, а тоа е добро за вашата вознемиреност и иднината на вашето дете.

Бидете љубезни

Бидете трпеливи со себе и со вашето дете. Обидете се да бидете љубезни кон себе и да бидете присутни во моментот, ценете го она што е добро кај вашето дете токму сега.

Да, ова е време на зголемена вознемиреност за сите, од многу ужасни причини, и време кога родителите, повеќе од другите, чувствуваат огромна количина на стрес. Но, нема да си направите добро ниту себеси ниту на вашето дете ако дозволите тоа да ве преоптовари. Затоа, длабоко вдишете и размислете како можете да се грижите за себе денес. И така секој ден.

Извор