Жената од Дебар со Ковид-19 која подолго време беше на респиратор, машина за дишење на Клиниката за инфективни болести и фебрилни состојби, почина пред неколку часа, информираше министерот за здравство Венко Филипче.
-Во здравствената историја на пациентката е заведено дека примала терапија за хипертензија, висок крвен притисок – рече Филипче.

Регистрирани се 29 нови случаи на коронавирус во земјата во изминатите 24 часа. Со ова, вкупната бројка на дијагностицирани пациенти со Ковид-19 денеска до 12:00 часот изнесува 177 лица, од кои 1 излекуван и 3 починати пациенти.
Министерот Филипче апелираше граѓаните да не земаат терапија за вирусот или за превенција на своја рака. Комбинацијата од лековите „азитромицин“ и „хлоркинин“ која се воведува како терапија за група пациенти, може да е многу опасна.
-Оваа терапија не се дава на сите пациенти, а пред нејзино определување се прават испитувања, меѓу кои и ЕКГ – објасни Филипче.