Тригодишното девојче од Сирија чиј татко го учеше да се смее на звукот од бомбите со цел да не се плаши, сега е на безбедно место во Турција. Салва ги пополни насловите по медиумите поради видеото кое стана вирално минатиот месец. На видеото се гледа дека таа игра додека паѓаат бомби во близина на нејзиниот дом во Идлиб.

Турската влада им помогнала на нејзините родители да ја преминат границата по една недела откако се појавило видеото.

Татко oд Сирија смислил игра за неговата тригодишна ќерка да не се плаши од бомбардирањето

Речиси милион луѓе се упатиле кон сириско-турската граница од декември, а тешките борби во регионот на Идлиб и натаму продолжуваат. Салва и нејзиниот татко Абдула Мохамед смислиле уникатен начин за да се справат со воздушните напади. Тој ја научил дека наместо да се плаши, може да им се смее на бомбите. Тоа го постигнал така што ѝ покажал снимки и звуци од деца кои се радуваат на огномет, за да види дека и такви гласни звуци може да бидат смешни. Таа игра ѝ помогнала да остане смирена и среќна. Нивната игра, исто така, поттикнала емпатија кај многумина, а ги навела и турските власти да им помогнат да побегнат од Сирија. Во Турција влегле на 25 февруари. Наводно се одведени во мигрантскиот камп Рејханли во Јужна Турција.

фото извор: AFP

Новинарката Бетан Мекернан од „Гвардијан“ објавила фотографија на „Твитер“ од Салва и татко ѝ. „Првпат, може да се смее на нормални работи“, напишала новинарката.

Абдула Мухамед изјавил за турските медиуми дека тој и неговата ќерка се обиделе да испратат порака до меѓународната заедница со нивното видео.

I am happy to report that 3-year-old Salwa and her parents have made it safely out of Idlib to Turkey. The family made headlines for a game where dad Abdullah got Salwa to laugh at falling bombs to protect her from trauma. For the first time ever, she can laugh at normal things. pic.twitter.com/jTET7z7rRj

— Bethan McKernan (@mck_beth) March 3, 2020

Тој истакнал дека е среќен што пристигнале во Турција и дека Салва конечно ќе добие шанса да оди на училиште. „Се надевам дека конфликтот во Сирија наскоро ќе заврши и дека ќе можам да се вратам“, бил цитиран Сириецот.

Турција веќе е домаќин на 3,7 милиони мигранти од Сирија. Во петокот ги зголеми контролите врз мигрантите што заминуваат за ЕУ. Одлуката е донесена откако претрпеа тешка воена загуба во северозападниот дел на Сирија, каде што се обидуваа да создадат безбедно подрачје за преселување на голем дел од сириските бегалци.