Кој е најсмешниот член на семејството, според науката?
Секој што има брат или сестра знае дека постои ривалство помеѓу браќата и сестрите. Можеби тоа не е секогаш толку истакнато, но постои, дури и ако никогаш не се зборува или дискутира за тоа.
Но, бидејќи некои научници одлучиле дека нема доволно ривалство помеѓу браќата и сестрите во светот, направиле студија, ги документирале заклучоците, а потоа ги споделиле со светот.
Студијата е направена во Велика Британија и ги разгледува карактеристиките на личноста и карактерите на првородените и последнородените деца од семејствата, бидејќи, како што сите знаат, постои јасна разлика во тоа како луѓето дејствуваат, реагираат, ги живеат своите животи, во зависност од нивниот редослед на раѓање.
46 проценти од најмалите деца мислат дека тие се „оние смешните“ во семејството, во споредба со само 36 проценти од најстарите деца, кои мислат дека тие се изворот за смеење во домот.
Помладите, со 17 проценти застапеност, мислат дека се омиленото дете, додека само 10 проценти од најстарите се чувствуваат така. Кога станува збор за одговорноста, успехот, организацијата и самодовербата, најстарите деца се тие што мислат дека ги имаат тие особини на личноста. Но, додека тие особини на возрасните припаѓаат кај најстариот, најмладиот ужива во славата дека е порелаксирана и поопуштена личност.
Но, онаму каде што е најголемата разлика во проценти е во категоријата одговорност. Додека 54 отсто од најстарите деца мислат дека тие се одговорни, само 31 отсто од најмалите деца мислат дека се одговорни. Истражувачите мислат дека ова може да се припише и на возраста и на редоследот на раѓање:
„Несомнено тука се вплеткани семејни сили на дело – родителското внимание брзо се префрла на новодојдените, а првородените можеби ќе треба повеќе самите да се грижат за себе“.
Одлично… значи постарите се малите помошници на мајката и затоа се принудени на живот на одговорност, додека помалите добиваат еден цел живот на изговори?!
Поентата е дека секое дете е различно поради неговиот редослед на раѓање. Дури и ако не се придржувате до конвенционалните стандарди за тоа кои црти на вашата личност треба да се засноваат на тоа дали сте првороден, второроден или последен роден член, сепак сте единствени на свој начин и токму тоа е она што ве тера толку многу да се сакате едни со други.
Автор: Аманда Чател
