Феромоните на мајката ја подобруваат синхронизацијата помеѓу мозокот на бебето и мозокот на мајката, што укажува на нивната улога во развојот на „социјалниот инстинкт“ на бебето и ја отвора вратата за нови терапевтски стратегии за развојни нарушувања.

Ова е откритието на новото истражување на Гијом Думас, професор по медицина на Универзитетот во Монтреал и невронаучник во неговиот истражувачки центар.

Мирисите на телото на мајката се важни сигнали за чувството на сигурност и општествено препознавање на детето, но нивната улога во социјалното созревање на човечкиот мозок во голема мера е непозната.

– Користејќи снимки од електричната активност на мозокот, го проучувавме ефектот на феромоните на мајката врз социјалните интеракции на бебињата со нивните мајки, а потоа и со непознати возрасни лица со или без мирис на мајчиното тело – рече Думас, кој е доцент на Катедрата за психијатрија и зависност.

– Интеракцијата помеѓу мајката и детето резултираа со значајна синхронизација меѓу двата мозоци. Покажуваме дека со присуството на феромоните на мајката може да се зголеми оваа синхронизација во случај на непозната личност и бебето, дури и кога мајката е отсутна. Тоа е придружено и со поголема општествена одговорност, позитивна стимулација и чувство на сигурност и блискост кај бебето – вели тој.

Луѓето се друштвени цицачи

За друштвените цицачи, клучната функција на врската мајка-дете е да го приспособи мозокот на бебето на животот во заедницата и да создаде механизми за откривање на безбедноста и опасноста.

Нашите далечни братучеди, приматите, зависат од помошта на „алтернативна грижа“ за да ги одгледуваат своите млади. Жените мора да ја пренесат оваа функција на надворешна контрола на другите возрасни лица во социјалната група и да им дадат блискост и сигурност.

Така, телесните мириси се антички хемиски сигнали на хомосапиенсот кои предизвикуваат сложени нервни промени чии функции се да ги зајакнат социјалните врски со роднините, да ја зголемат важноста на контекстуалните знаци и да ги обележат мајката и живеалиштето. Мирисите се единствените сетилни знаци кои можат да ја претставуваат мајката во нејзино отсуство.

Нови терапевтски стратегии

–Нашите резултати потврдуваат дека интерцеребралните механизми се поврзани со развојот на социјалниот мозок на детето и дека мајчините феромони можат да го пренесат овој незрел социјален инстинкт од врската мајка-дете во други социјални контексти, отворајќи го патот за нови неврохемиски развојни интервенции, како што се социјални нарушувања, на пример, аутизмот – вели Думас.

– Конкретно, би можеле да ги изолираме мајчините феромони како спрејови и да ги користиме за модулирање на социјалната мотивација кај децата. Ќе го продолжиме нашето истражување за да ги разјасниме биолошките механизми на овие меѓумозочни синхрони, вклучително и снимање на електричната активност на мозокот на бебето во присуство на повеќе од две лица, како што се родител и лекар – рече Думас.

Извор