Метју Меконахи и Камила Алвес имаат три деца: 7-годишниот Ливингстон, 12-годишниот Леви и 10-годишната Вида. Во новото интервју со Опра Винфри актерот искрено зборува за семејниот живот.
– Не дозволуваме лажење. Не може да велат „не можам“ и не смеат да го употребат зборот „омраза“. Тие три работи ќе ги доведат децата во голема неволја во нашиот дом – вели Меконахи.
– Се надевам дека моите деца ќе станат независни, совесни, компетентни млади луѓе – вели Меконахи и додава дека неговите деца се свесни за своите привилегии, како и за славата на нивните родители, но упорен е во тоа да ги научи дека тие работи воопшто не се важни.
– Успешни сме. Имаме убава куќа. Луѓето нѐ забележуваат. Нашите деца го сфаќаат тоа. Но, ние не сакаме нашите деца да мислат дека нивната вредност е поврзана со парите што ги имаме или фактот дека сме познати – вели Меконахи. Освен тоа, тој не сака неговите деца да се срамат поради работите што им се овозможени.
– Постојано им велам дека не мора да се извинуваат за тоа. Ако некој им каже дека сигурно живеат во убава куќа бидејќи нивниот татко е познат, не мора да ја подигнат главата. Треба да го подигнат погледот и да речат: „Да, живееме во убава куќа. Мојот татко многу се труди да биде што подобар во неговата работа“ – објаснува Меконахи.
912