Воспитувачите во градинка најдобро ги знаат децата. Секој ден поминуваат една третина од денот со нив и имаат можност да препознаат во што се добри, на што се склони, но и кои се нивните стравови и што им предизвикува проблеми.

Младен, вработен во хрватска градинка, го испрати своето сведоштво до здружението „Сидро“, кое ги собира воспитувачите со цел заштита на правата во градинката, во кое открива што предизвикува најмногу проблеми за децата.

– Во оваа година, колку што работам во градинка, заклучив дека коронавирусот и сето она што е поврзано со него не е нешто што им создава најголем проблем на децата, туку „Јутјуб“ и игрите – пишува тој во неговото сведоштво.

– Децата гледаат премногу несоодветна содржина, ужасни хорор-видеа, играат хорор-игри. Родителите не ги контролираат, а на децата сето тоа им останува во главата и ужасно се плашат, па имаат кошмари – пишува тој.

Тој имал можност да види како сето тоа се одразува врз однесувањето на децата.

– Имав момче кое во неколку месеци едвај спиеше поради несоодветна содржина. Се плашеше само да остане во собата – пишува Младен. Неговата објава ги натера луѓето да размислат како да ги заштитат децата од таква содржина и дали професионалната служба треба да реагира во овие ситуации.

– Ако родителите се предупредени, а ништо не се промени, дали треба да се извести надлежниот центар за социјална грижа – прашува еден родител.

– Децата денес се дигитално пописмени од нивните родители. Децата ги поместуваат границите за кои не сме свесни. Но, додека родителите живеат со уверувањето „остави го на лаптоп, ќе биде попаметно“, децата доживуваат ужаси поради несоодветната содржина што ја гледаат. Стануваат зависници од рана возраст – смета друг родител.

Извор