Лесно и вкусно. Обидете се со своето дете да направите неколку едноставни рецепти – вашето дете нека ви помага и нека учи. Погледнете ги во видеото следните 3 рецепти:
- Енергетски залчиња без печење
Потребно ви е: 1 шолја овес, четвртина шолја суво овошје, четвртина шолја малечки парчиња чоколада, четвртина шолја кикиритки кои ќе ги здробите со сукало или некој друг тврд предмет. Измешајте ги сувите состојки. Наполнете половина шолја путер од кикиритки или од сончоглед и додајте 3 лажички мед. Мешајте на тивок оган додека смесата не стане хомогена. Оставете да се излади, а потоа измешајте ги сувите и водените состојки. Формирајте топчиња и уживајте.
- Сендвичи со јаболка
Исечете ги јаболката на кругови и извадете ја средината со семките. Исцедете лимон во сад, додајте вода и потопете ги круговите јаболка. Исушете ги и намачкајте на нив од омилениот намаз на децата (путер од кикиритки, крем и слично). Додајте рендана чоколада или што било друго што децата го сакаат. Над секое јаболко ставете уште еден круг одгоре и сендвичите се спремни за јадење. За децата што го сакаат тоа, направете сендвичи со нешто солено (шунка и кашкавал).
- Ролатчиња со 3 состојки
Излупете и исечете авокадо. На парче шунка намачкајте хумус – ставете едно парче авокадо и свиткајте го.
Трик за банани: Оставете порака за детето на бананата користејќи чепкалка за заби. По некое време буквите што сте ги напишале ќе потемнат.
912