Нашето тело секогаш испраќа јасни сигнали кога му недостига некој важен витамин или минерал. Доколку забележите необични симптоми што претходно ги немате почувствувано, тоа е знак дека организмот бара промена.

Недостигот на витамин Д е особено честа појава, а неговото влијание врз целокупното здравје е огромно. Бидејќи симптомите знаат да бидат прикриени, честопати не се препознаваат навреме.

Најчести знаци и симптоми за недостиг на витамин Д:

1. Често кршење на коските: Многумина мислат дека за ова е виновен само калциумот, но лошата апсорпција на витаминот Д е клучниот фактор што ги прави коските поранливи.
2. Лошо расположение: Недостигот на изложеност на сонце може да го намали лачењето на серотонинот, хормонот за задоволство и регулација на расположението.
3. Болки во коските и зглобовите: Недостигот предизвикува непријатност и болка, најчесто во грбот и колената, а долгорочно го зголемува ризикот од остеопороза.
4. Необично потење на главата: Потењето на скалпот при нормална телесна температура е еден од помалку познатите, но значајни симптоми.
5. Хроничен замор и исцрпеност: Постојаното чувство на умор има негативно влијание врз секојдневниот живот, а честопати коренот лежи токму во ниското ниво на витамин Д.
6. Бавно заздравување на раните: Витаминот Д учествува во создавањето нова кожа и помага во борбата против инфекции и воспалителни процеси, поради што повремените рани заздравуваат подолго од вообичаено.

Совет: Доколку препознаете некои од овие симптоми, најдобро е да направите лабораториска анализа на крвта и да се консултирате со вашиот лекар пред да започнете со земање суплементи.

Извор