МОН со апел до учениците: Доставете ги документите за продолжување на стипендијата преку е-порталот
Министерството за образование и наука (МОН) упати апел до сите ученици што се корисници на стипендија доделена во некоја од изминатите учебни години, најдоцна до 30 септември 2026 година да ги достават потребните документи за продолжување на правото на користење на стипендијата.
Оваа постапка се однесува исклучиво на постојните стипендисти кои ги исполнуваат условите од веќе потпишаните договори, а не за новите кандидати.
Како се поднесуваат документите?
Постапката се спроведува целосно електронски преку официјалниот портал за е-услуги на МОН. Учениците треба да ги прикачат следниве документи:
- Потврда за редовен ученик во учебната 2026/2027 година.
- Последното свидетелство за завршена претходна учебна година.
Важни напомени и контакт:
- Краен рок: 30 септември 2026 година. По овој рок електронскиот систем автоматски ќе биде затворен.
- Контакт за прашања: Дополнителни информации и поддршка корисниците можат да побараат преку е-поштата: ucenicki.stipendii@mon.gov.mk
