Воспитувањето на децата не е лесна задача, а одредени начини на однесување во детството можат да влијаат врз тоа какво ќе стане детето кога ќе порасне. Родителите не треба да толерираат однесување што може да предизвика проблеми во иднина:

Ривалство меѓу браќа и сестри – Посветете им еднакво внимание и објаснете им дека сите се еднакво сакани. Научете ги да ги почитуваат работите и приватноста на другите.

Склоност кон кражба – Објаснете дека тоа е лоша навика. Поттикнувајте делење, искреност и внимание кон другите.

Безобразно однесување кон другите – Особено кон родителите. Детето мора да учи да се однесува со почит кон другите.

Лажење – Реагирајте мирно кога се случи нешто негативно. Објаснете дека лагата не носи добро, а вистината секогаш излегува на виделина.

Нетрпеливост и викање – Научете ги да чекаат и да ги почитуваат другите. Објаснете им дека кога разговарате со другите треба да бидат трпеливи и да почекаат да завршите.

Себично однесување – Вклучете ги во заеднички задачи за да учат дека треба да помагаат и да мислат и на другите.

Преправање дека нешто не гледаат – Учете ги да реагираат на неправда, да помагаат и да не ги исмејуваат оние што имаат тешкотии.

Извор