Знаци кои покажуваат дека сте подготвени да престанете да доите
Без разлика дали доите, се молзите, го дополнувате со вештачко млеко или користите комбинација од овие методи, свесни сте за сите препораки, вклучувајќи ја и препораката доењето да трае од шест месеци до една година.
Ако сте ја надминале таа граница и сакате да продолжите, следете го вашиот инстинкт. Но, ако сакате да престанете, но не сте сигурни дека е вистинско време, овие знаци можат да ви помогнат во одлуката.
Бремени сте
Некои мајки избираат да дојат и новороденче и постаро дете истовремено. Сепак, повеќето ја гледаат новата бременост како природен сигнал да престанат да го дојат постарото дете. Експертите советуваат да го започнете процесот на половина од бременоста, бидејќи доењето може да предизвика предвремени контракции и болка во брадавиците.
Детето веќе има разновидна исхрана
Кога детето има најмалку 12 месеци, здрава исхрана со зеленчук, протеини, житарки и кравјо млеко може да го замени хранливиот внес од мајчиното млеко. Сепак, консултирајте се со педијатар дали е потребно да комбинирате исхрана со мајчино млеко или вештачко.
Детето не е сконцентрирано
Ако детето гледа наоколу за време на доење, или започнува разговор, или е целосно рамнодушно, тоа може да значи дека е подготвено да го одбиете. Сепак, одвикнувањето треба да се спроведе кога ситуацијата дома е стабилна, а не кога се враќате на работа или детето почнува во градинка.
Потребен ви е сон
Ако имате новороденче и постаро дете кое сè уште го доите, а вашето тело не добива доволно одмор бидејќи детето се буди навечер за млеко, размислете за одбивање за да го зачувате потребниот сон.
Доењето влијае на вашето психичко и физичко здравје
За некои мајки, нема доволно часови во денот за доење или мозење поради работа, туширање, готвење, семејство, пријатели, однос со партнер, домашни миленици и хоби. Одбивањето за да го зачувате своето физичко и психичко здравје е мудар потег.
Доењето ви го одзема времето со детето
Ако сте толку зафатени со доење или молзење млеко што тоа го засенува времето кое можете да го поминете со детето, а детето е доволно возрасно за квалитетно време, тоа е најсилен знак дека треба да го одбиете.
