Хранењето на бебето може да биде стресно, особено за новите родители кои често се прашуваат дали тоа јаде доволно? Дали расте добро? Дали е во „вистинскиот“ процент на раст? И додека тие чувства се сосема разбирливи, педијатарот д-р Меган Мартин вели дека нема потреба од паника. Таа споделила видео на „Тик-ток“ објаснувајќи зошто родителите не треба да се опседнуваат со процентите на раст бидејќи постои широк спектар на она што се смета за здраво, а многу од тоа зависи од генетиката.

Во видеото таа го претставила својот осуммесечен внук и со насмевка вели:

-Ова е мојот внук. Ние, педијатрите, би рекле дека е „добро нахранет“. Тој е стар речиси осум месеци, тежок 10 килограми, здрав, се развива, се обидува да ползи… и е најслаткото бебе на светот. Но, ниту едно од моите деца не изгледаше вака. Сите беа помали кога имаа една година.

Д-р Мартин додала дека нејзините деца не достигнале 10 килограми сè додека не наполниле околу две години.

-И тие беа здрави. И ова дете е здраво. Здравјето едноставно не изгледа исто за секое дете.

Таа им кажува на родителите дека иако е лесно да се „заглават“ во процентите, не треба да заборават дека постои цел спектар на она што е нормално.

@beachgem10 There’s a lot of focus on growth percentiles in pediatrics. But the bigger picture is more important: are they tracking along a growth curve? Are the jumping up or falling off? Focus on the child rather than the numbers! Healthy looks different for different kids and focusing on numbers can create a lot of parental anxiety! (Been there done that!! I am a parent too 🫣🙃) #doctor #checkup #pediatrician #parents #baby ♬ original sound – Beachgem10

-Знам дека многу луѓе се фокусираат на тежината, големината и процентите, но имајте на ум дека има многу варијации во она што е здраво. Генетиката игра голема улога. И многу други работи.

Конечно, таа нè потсетува дека и дебелите и слабите бебиња можат да бидат целосно здрави.

-Сите се преслатки. И што и да правите, одлично ја вршите работата! – заклучила таа.

Извор