Со новите прописи Турција забрани извршување на планирани царски резови во приватните здравствени установи, што предизвика силни реакции кај јавноста, иако одлуката има и поддржувачи.

Жените постојано се борат за правото да одлучат како и каде ќе се породат, ако нивното здравје и здравјето на бебето го дозволуваат тоа. Но, во некои делови од светот, како Турција, се чини дека не постои таа опција.

Министерството за здравство објави дека планирани царски резови нема да се изведуваат во приватните клиники. Одлуката следуваше по дебата за наталитетот и поради тоа што Турција има највисока стапка на царски резови меѓу 38 земји од ОЕЦД.

Дополнителен бес предизвикаа фудбалерите од Сиваспор кои излегоа на терен со транспарент на кој пишуваше „Природното породување е природно“. Опозициските партии и здруженијата за женски права остро реагираа.

Претседателот Ердоган, кој одамна промовира „природно породување“, ја поддржа забраната, велејќи дека падот на наталитетот е поголема закана од војна.

Извор