Празниците се доволно стресни без дополнителна грижа за исполнување на сите желби од бескрајните детски списоци и справување со разочарувањето кога тие нема да се остварат. Освен тоа, дополнителен проблем може да биде и дали сте финансиски способни да ги исполните нивните желби.

Истражувањата покажуваат дека дури двајца од тројца анкетирани родители страдаат од непроспиени ноќи поради грижи и подготовки околу празниците. Се проценува дека просечниот родител останува буден до доцна во ноќта најмалку пет дена пред празниците за да подготви сè навреме за божиќната магија.

А бидејќи се покажало дека родителите многу се грижат во текот на празничната сезона и дека наместо радост, сè почесто се претвора во голем стрес, експертите за детски развој споделиле неколку совети како да ги научат децата да бидат љубезни, учтиви и скромни за време на сезоната на подароци.

Тие предлагаат да ги испробате овие шест начини за да го решите проблемот со алчноста околу дарувањето:

-Помогнете му на вашето дете со очекувањата.

-Разговарајте со детето за тоа како мислите дека ќе поминат празниците и бидете искрени.

-Поставете финансиски граници околу давањето подароци.

-Нагласете ја важноста на благодарноста. Научете ги дека дури и ако се разочарани од некој настан или подарок, важно е да бидат љубезни.

-Научете го вашето дете како да се справи со разочарувањето.

-Нагласете ја важноста на дарувањето. Експертите велат дека ништо не го отстранува разочарувањето на детето побрзо од среќата што ја доживува од давање подарок на некој друг.

-Фокусирајте се на магијата на самите празници. Нагласете им дека подароците не се толку важни како самото семејство, а за да им го пренесете тоа, слушајте празнична музика и нагласете ја радоста што ја создаваат семејните традиции.

Конечно, експертите нагласуваат дека е важно да се разбере дека е во ред да се каже „не“, дури и кога станува збор за подарување за празници.

Извор