За децата веројатно нема ништо послатко од јадење на плажа, но за родителите тоа обично значи малку планирање однапред. Постојат многу работи што можете да ги однесете за децата да ги јадат покрај море, но важно е да знаете дека некоја храна треба да ја избегнувате бидејќи може да биде опасна.
– Бидете внимателни бидејќи последното нешто што го сакате кога одите на плажа е некој да се разболи – вели д-р Џон Торес.
Факт е дека кога храната се чува на високи температури подолго време, постои ризик од развивање бактерии во неа, што може да резултира со дијареја и повраќање доколку децата ја јадат.
Експертите велат дека расипливата храна не треба да се остава надвор од фрижидер повеќе од два часа, но дека најдобро е да ја чувате ладна додека не одлучите да ја јадете.
Сувомесни производи
Ако правите сендвичи, имајте на ум дека тие треба да седат во фрижидер додека не дојде време да ги јадете, вели д-р Торес. Иако сувомесните производи често се сушат и се преработуваат за да се спречи расипување и контаминација, тие сепак можат да бидат ризични доколку не се чуваат на ладно.
Свежи салати
Иако свежите салати се идеален летен оброк, тие не се идеални за одење на плажа. Не само што брзо ќе ја изгубат свежината на топлината, туку и високите температури доведуваат до брз раст на бактериите на овие намирници.
Јадења со мајонез
Мајонезот, како и секој оброк со мајонез, треба да се чува во фрижидер, а на температура повисока од 4 Целзиусови степени да не стои подолго од два часа. Сепак, д-р Торес истакнува дека мајонезот и храната што има мајонез најдобро е да се чуваат во фрижидер додека не дојде време за јадење, па затоа е најдобро да не се носи на плажа.
Исечено овошје
Многу луѓе сакаат да носат овошје што се продава исечено и спакувано во пластични садови на плажа, но ова не е најбезбедниот избор. При сечење овошје, како што е лубеницата, може да дојде до контаминација со патогени бидејќи бактериите од ножевите, рацете и штиците за сечење се пренесуваат на овошјето. Исто така, д-р Торес истакнува дека исеченото овошје побрзо се загрева и ги привлекува инсектите и советува на плажата да носите целосна храна за да ја исечете – но пред тоа проверете дали рацете и ножот ви се чисти.
912