Ако некогаш сте однеле мало дете во парк или на роденден каде што уживало да си игра, знаете колку е тешко да се вратите дома бидејќи детето не сака да си оди, па плаче и има изливи на бес.

Не е невообичаено, кога детето ужива да си игра со други деца, сосема е природно да не сака да си оди дома. Тогаш родителите често велат: „Уште пет минути и одиме“, со надеж дека детето ќе прифати, но тоа всушност е патот до излив на бес.

Челзи Хог-Завалета, експерт за родителство и мајка на три деца, неодамна сподели интересен трик на нејзиниот профил на „Тик-ток“ кој може да ви помогне кога вашето дете има излив на бес и не сака да си оди дома.

На почетокот на видеото се слуша како еден татко им вели на своите синови: „Си одиме за пет минути“. Сосема очекувано, на децата не им се допаѓа идејата и се обидуваат да преговараат.

– Ова ќе заврши со излив на бес – вели Хог-Завалета, а потоа објаснува дека децата и родителите не размислуваат на ист начин кога станува збор за промени.

– Постои огромна разлика во перспективата помеѓу мозокот на возрасен и мозокот на детето кога е време за промена. Овој татко е фокусиран на иднината. Знаете како знам? Тој им рече на децата: „Уште пет минути и си одиме“. Неговиот јазик е фокусиран на иднината, на она што следува – вели таа.

Експертот посочува дека децата, од друга страна, се целосно фокусирани на сегашниот момент и во таа смисла не се компатибилни со родителите, но има совет кој ќе ви помогне.

– Фокусирајте се на она на што се фокусираат децата. Наместо да кажете: „Си одиме за пет минути, кажете: Имате уште пет минути за играње“ – советува таа и додава дека кога родителите ја објавуваат намерата на овој начин, плус ако родителите се придружат во играта во текот на тие последни минути, може да направи голема разлика.

@drchelsey_parenting #stitch with @Luke T how to transition with more ease #drchelsey #positiveparenthood #positiveparenting #guidingcooperation #consciousparenting #gentleparenting #attunement #neurodiversechild #coregulation #parentingtips #parentcoach #moms #momsupport #family #consequences #adhdparenting ♬ More Than A Woman – SG’s Paradise Edit – Bee Gees & SG Lewis

Извор