Кога жената ќе стане мајка, таа не само што се грижи за едно малечко суштество кое е целосно зависно од неа, туку и тргнува на патување за спознавање на себеси. Мајчинството носи многу убави, но и тешки моменти, во кои мајките дознаваат дека се подготвени и способни за сѐ што мислеле дека не можат да го направат.

Не е лесно да се биде мајка, но навистина е посебно и убаво, а мајката на пет деца и психотерапевт Кетрин Агранович открива кои пет квалитети ја прават жената одлична мајка.

Свесна е за своите слаби точки

Таа се смета себеси за неуспешна, постојано се споредува со другите, го споредува и бракот и децата со другите, но наместо тоа да ја инспирира, тоа само предизвикува да се чувствува недоволно добра. Иако тоа воопшто не е добро за неа, парадоксално, ја тера да се труди уште повеќе.

Бидејќи се грижи, бидејќи е свесна за своите слаби точки, таа постојано се обидува да одреди какви промени треба да направи за да ги направи своите деца подобри.

Постојано се труди да расте

Колку подобро жената се чувствува како личност, толку подобра мајка ќе биде, вели терапевтот. Затоа се труди да чита книги кои ќе ѝ помогнат во личниот раст, посетува разни курсеви, вложува во сопствениот развој и прави сѐ за да биде подобра за себе и за своите деца.

Бидејќи работи на себе, внесува хармонија и мир во целиот дом, што е важно за децата да се чувствуваат безбедно.

Ги задоволува своите потреби

Тоа што жената понекогаш оди на ручек со другарките, се стреми кон интелектуален и креативен напредок, што се опушта со масажа, може да ѝ помогне да биде подобра мајка. Впрочем, и таа е човек, а важни се и нејзините потреби. Кога се чувствува добро и е задоволна, на овој начин ги учи и своите деца да се грижат за своите желби и потреби.

Искрена е и свесна за своите мани

Терапевтот вели дека квалитетот на добрите мајки е тоа што знаат да им се извинат на децата кога ќе згрешат, дека знаат да застанат зад своите постапки, дури и кога ќе згрешат. Тие се доволно храбри да водат автентични разговори со своите деца, па можеби дури и отворено ги прашуваат што им е потребно, за да бидат подобра мајка за нив.

-Таа не е совршена, таа е човечко суштество полно со мани, како и сите ние, но таа е многу искрена во врска со тоа и е подготвена да се промени на подобро за своите деца. И како што целосно се прифаќа себеси, ги прифаќа и своите деца, а прифаќањето ја отвора вратата за сето добро што се крие под нашите мани – вели терапевтот.

Покажува како се бори со стресот

Таа ги учи своите деца како да се справат со тешки ситуации, им покажува со својот пример. Без разлика дали се работи за јога, медитација, позитивни афирмации, пишување дневник, разговор со терапевт или плачење за олеснување, оваа мајка го прифаќа животот.

На крајот, треба да се запомни дека никој од нас не е совршен и дека секоја мајка е најдобра за своите деца, таква каква што е.

Извор