Многу мажи се борат со тоа како да се справат со емоциите на нивните жени. Тие често не успеваат да сочувствуваат затоа што не биле научени на тоа во нивното семејство.

Ако сте некој што не знае што да каже по кавга или како да изрази сочувство, еве листа со неколку работи што можете да ѝ ги кажете на вашата сопруга за да го смирите конфликтот додека ѝ покажувате дека ја сакате.

„Нашиот однос ми е поважен од оваа расправија“

Најважно е да ѝ кажете на вашата жена дека вашата врска е поважна од која било кавга. Секако, има некои исклучоци, на пример, кога расправијата е за клучно прашање што ја дефинира врската или кога сте откриле дека вашата сопруга ве изневерува. Но, генерално, треба да има многу, многу малку прашања што ви се поважни од врската во целина

„Те сакам“

Вербализирањето на чувствата на ранливост може да биде тешко кога сте вознемирени, но веднаш може да го смири конфликтот. Ако ја сакате сопругата, секогаш е добро време да го кажете тоа, особено ако сте партнер кој вообичаено го избегнува тоа. Вашата сопруга веројатно се чувствува емоционално напуштена од вас ако се карате, што може да биде тешко да се разбере.

„Не сакам да се расправам со тебе“

Можеби мислите дека ова е очигледно, но не е. Потребни се двајца луѓе за кавга, и покрај тоа што можеби мислите дека таа ја започнала. Значи, иако едниот почнува, другиот продолжува.

„Жал ми е“

Најдете нешто во расправијата за што можете длабоко и искрено да се извините. Извинувањето ќе доведе до понатамошен разговор, и покрај тоа што мислите дека треба да биде крај на разговорот. Ова е добра работа бидејќи значи дека и таа е подготвена да открие повеќе за своите чувства. Таа не го прави ова за да ве повреди, туку за да го обработи она што го чувствува.

„Што можам да направам за да бидеме подобри?“

Ова ѝ покажува на вашата сопруга дека сте спремни да се менувате и да растете. Отворени сте и барате повратни информации, што укажува на длабока посветеност на врската да ѝ помогнете да се чувствува подобро.

Извор