Ако имате мали деца, знаете дека единствениот начин да не изгубат парче облека е на самата облека да напишете на кого му припаѓа. Само така ќе ја пронајдете меѓу многуте измешани работи во градинка или на училиште. Но, детската облека често се наследува, па понекогаш на етикетите нема доволно простор за да се напишат имињата на сите мали сопственици.

Затоа едни родители биле воодушевени од етикетата која ја забележале на јакната на своето малечко. Откритието го споделиле на социјалната платформа „Редит“. „Етикетата на јакната на моето дете има простор за имиња на тројца сопственици“, напишале тие.

The name tag on my kid’s jacket has lines for 3 names for hand me downs.
by u/sixpackremux in mildlyinteresting

На јакната јасно се гледа дека родителите можат да го напишат името на првиот, вториот и третиот „истражувач“, односно сите деца што ќе ја носат. Ова ја прави идеална да им ја дадете на помали деца, или деца на пријатели и познајници. Од друга страна, самиот производител на овој начин ги охрабрува родителите да им ги предаваат на други деца парчињата облека што повеќе не им одговараат на нивните деца.

Споделувањето облека не само што заштедува еден тон пари, туку и спречува облеката да собира прашина во вашиот дом или да заврши во отпад. Инаку, според истражување објавено во 2022 година, годишно се фрлаат повеќе од 3,15 милијарди парчиња детска облека.

Извор