Одржувањето на домот уреден покрај работните обврски, школските задачи и активностите на децата може да изгледа како уште една работна позиција. Сепак, тајната за чист дом не е во неколкучасовно чистење секој ден, туку во мали, паметни рутини кои спречуваат хаос.

Вработените мајки ги користат овие 7 практични правила за да го одржат мирот и редот во домот:

• Не оставајте сè за викендот: Наместо цела сабота да ја потрошите на генерално чистење, распоредете ги обврските во текот на неделата. Еден ден исчистете ја бањата, друг ден пуштете правосмукалка, а трет сменете ја постелнината.
• Правило од 15 минути: Наместете тајмер на 15 минути и средете го само она што е највидливо, тргнете ги работите од масата, вратете ги играчките на место, ставете ги садовите во машина и соберете ја облеката од столовите.
• Секоја работа мора да има свое место: Кога децата точно знаат каде се остава секој предмет (корпи за играчки, кутии за школски прибор, ранци), работите нема да завршуваат на подот или на гарнитурата.
• Вклучете ги и децата: Децата на училишна возраст треба да имаат обврски: местење на креветот, собирање на валканата облека, спремање на ранецот и помагање околу масата. Целта не е совршенство, туку мама да не мора да прави сè сама.
• Кујната се средува веднаш по вечерата: Расчистете ја кујната веднаш по оброкот за да не ве чека изутрината. Утрото започнува многу попријатно кога ќе влезете во чиста кујна.
• Подгответе сè за следниот ден претходната вечер: Изберете ја облеката за децата, спакувајте ги ранците и ужината уште претходната вечер. 10 минути подготовка навечер штедат десетици минути стрес изутрина.
• Не мора да е сѐ совршено: Домот во кој живеат деца никогаш нема да изгледа како хотелска соба. Доволно е да имате систем со кој хаосот брзо се става под контрола, за да ви остане време за децата и за себе.

Извор