Законите за именување, всушност, ги поставува државата, а некои држави имаат повеќе барања од другите. Има некои заеднички карактеристики – во повеќето држави, на пример, не можете да ставите број во вашето име и често има ограничувања на знаците – во Минесота, на пример, сте ограничени на „само“ 150 знаци.

Но, ако сакате да му дадете на вашето дете име поради кое ќе го задеваат до крајот на животот, тоа е ваше право. Меѓутоа, во некои земји тоа не е секогаш случај и има многу построги закони. Некои бараат од родителите да изберат од однапред одобрен список со имиња или да испратат петиции до владата за да додаде име на списокот. Други имаат закони за да ги заштитат децата од потсмевот што би дошол ако родителите изберат страшни имиња за нив.
Еве некои од „незаконските“ имиња кои се речиси или целосно забранети:

Нутела

Според магазинот „Телеграф“, судија во Франција одлучил дека ова име не е дозволено – не поради законите за авторски права, туку затоа што „некого би направило цел на потсмев“. Бебето го прекрстиле Ела.

Фрејз

Исто така, во Франција судот пресудил дека девојче не може да се вика Фрејз, што значи „јагода“. Објаснувањето е дека тоа би можело да се протолкува како „задник“ според сленгот. Наместо тоа, родителите го избрале името Фрејзин.

Принц Вилијам

Други француски родители се обиделе да го именуваат детето принц Вилијам, но биле одбиени бидејќи, како што е објаснето, тоа „ќе доведе до потсмев во детството“, објавил магазинот „The Local“. Нивниот втор избор бил Мини Купер, но исто така бил одбиен од истите причини.

Brfxxccxxmnpcccclllmmnprxvclmnckssqlbb11116

Родители во Шведска, каде што има строги закони за именување, го поднеле ова име за своето бебе во 1991 година во знак на протест поради паричната казна што ја добиле затоа што не го регистрирале името на бебето до петтиот роденден на детето.

Металика и Лего

Исто така, во Шведска родители морале да одат на суд поради правата за користење на имињата Металика и Лего. Сите „победиле“.

ИКЕА

Другите шведски родители немале толку среќа. Оние што сакале да го крстат своето дете ИКЕА откриле дека Шведска не дозволува да му дадете име на детето по компанија.

Сејнт (Свети)

Името што Ким Кардашијан и Канје Вест го избраа за нивното второ дете можеби е во ред во САД, но во Нов Зеланд, каде што не можете да им давате имиња на вашите деца што личат на официјални титули, владата го одбила предлогот во 2019 година на едни родители.

III.

Исто така, во Нов Зеланд име со римски бројки не е валидно. Нема проблем ако сакате на вашето дете да му дадете отпечатен број или дури и глупаво име, но запомнете дека вашето дете мора да живее со него – вели Џеф Монтгомери, главен матичар за родени, умрени и бракови.

Принц, Кинг, Ројал

Убедливо најразочараните родители во Нов Зеланд се оние што се обиделе на своите деца да им дадат имиња како кралски титули – принц, крал или кралски имиња биле најотфрлените имиња во 2018 година.

. (Точка)

Ограничувањата на Нов Зеланд за интерпункцијата во имињата не спречиле родители да се обидат да му дадат на своето дете име – „.“, изговорено „точка“.

Акума

Родители во Јапонија сакале да го именуваат своето дете Акума, што значи „ѓавол“, а случајот добил толку големо внимание што член на кабинетот на премиерот објавил изјава во која ги насочува родителите против името.

水子

Исто така, во Јапонија еден пар се обидел да го користи знакот за „вода“ и „дете“ за името на своето дете. Владиниот функционер истакнал дека претходните генерации ја користеле оваа комбинација (чиши/мизуко) со значење „бебе кое умрело во утробата или поради абортус или спонтан абортус“, објавиле во „Јапонија денес“. Родителите доброволно си го смениле името.

Робокап, Скротум и Фејсбук

Официјални лица во Сонора, Мексико, објавиле список со имиња кои владата ги отфрлила бидејќи може да доведат до малтретирање, а овие три се на него.

Линда

Некогаш најпопуларното име во САД е забрането во Саудиска Арабија. Во таа земја одредени имиња се „забранети бидејќи не се во согласност со општествената традиција“, пишува „Вашингтон пост“. На листата се најдоа и Маја, Емир, Јара и Лорин.

Том

Португалија, исто така, има строги прописи за тоа што дозволува во имињата, а едно од тие правила е дека не можете да користите прекари или алтернативен правопис. Ако сакате да го именувате вашето дете Том, мора да го именувате Томас.

Тор

Португалија, исто така, забранува имиња кои не се португалски и има список од 82 страници со имиња што се забранети. На листата се и Тор, Нирвана и Париз.

Снејк (Змија)

Во 2006 година Малезија ги заостри ограничувањата за тоа кои имиња ќе бидат дозволени во земјата, а на списокот се најде и кинеското име на Хокиен Ах Чвар, што значи „Змија“, како и 007, Чау Тоу „Смрдлива глава“ и Сор Чаи „Луд“.

Епл и Вајолет (Јаболко и Виолетова)

Исто така, во Малезија, покрај имињата на животните, не се дозволуваат и други природни имиња, како оние што доаѓаат од овошје или цвеќе – нешто што всушност е голем тренд во САД.

Камила (Camilla)

Буквата „C“ ја нема во исландската азбука, така што сите имиња што ја содржат таа буква не се пожелни во земјата. Јон Гнар, поранешниот градоначалник на Рејкјавик, го нарече тоа „неправеден, глупав закон против креативноста“ кога сакал да ја именува својата ќерка Камила.

Фрајдеј (Петок)

Во Италија, родители сакале да го именуваат својот син Венерди – италијанскиот збор за „петок“ – но судовите одлучиле да го стават во категоријата „смешно или срамно“ и им наредиле да го сменат. Тие наредиле момчето да се вика Грегорио по светецот на чиј ден е роден.

Моли и Манки (Мајмун)

Во Данска родителите избираат од списокот од околу 7.000 однапред одобрени имиња или мора да побараат дозвола. Моли отпрвин е одбиена, Мајмун не се дозволува бидејќи е животно.

Ислам, Куран и Мека

Официјални лица во Западна Кина не ги почитуваат муслиманските имиња, потег што беше широко критикуван како ограничување на верската слобода.

@

Според списанието „Ментал Флос“, ова име било отфрлено и во Кина бидејќи не се дозволени симболи во имињата. Едни родители првично го избрале бидејќи „@“ се изговара „ai-ta“ на кинески, што е многу слично на изразот што значи „го сакам“.

Мерцедес и Шанел

Имињата на брендови, исто така, не се дозволени во Швајцарија, па без разлика колку „фенси“ име сакате, ако веќе е марка на автомобил или чанта, мора да најдете алтернатива.

Јуда

Швајцарија, исто така, ги забранува религиозните имиња што им предизвикуваат „непотребна штета“ на децата, поради што Јуда е отфрлено.

Луцифер

Родителите во Германија го испробале името, тврдејќи дека тоа е латински збор за „донесување светлина“, но Здружението за германски јазик смета дека е несоодветно.

Шмиц

Германија, исто така, ги отфрла презимињата како имиња, особено ако се популарни како Шмиц. Ова е во спротивност со трендот во Соединетите Држави, каде што имињата кои некогаш традиционално биле само презимиња се популарни.

Пеперминт и Стоун (камен)

Германија, исто така, става вето на имињата од неколку други причини. Pfefferminze, т.е. Пеперминт е отфрлено затоа што може да предизвика потсмев, како што е и Стоун, што се преведува како „камен“, бидејќи „детето не може да се идентификува со него, бидејќи тоа е предмет, а не име“.

Ј (Џеј)

Моменталниот тренд кога се смислуваат имиња за бебиња е да има сѐ помалку букви, но прашањето е колку кратко е прекратко. Во Швајцарија една буква не е доволна. Кога родители се обиделе да го именуваат детето „Ј“ во чест на нивните баба и дедо Јохана и Јозеф, швајцарскиот суд го предложил Џо наместо тоа.

Волк

Родители во Шпанија биле толку лути кога името што го избрале за нивниот син Лобо, што значи Волк, било оценето за навредливо, па во своја одбрана покренале онлајн петиција. Откако добиле повеќе од 25.000 потписи, шпанските власти попуштиле.

Гешер

На една мајка од Норвешка ѝ рекле дека не може да го именува својот син Гешер, што на хебрејски значи „мост“. Таа го сакала тоа име толку многу, што кога ѝ била дадена опција да го смени, да плати казна од 210 долари или да оди во затвор на два дена, таа избрала затвор. Мајката била опседната со името, објаснувајќи дека тоа „ѝ дошло на сон“.

Сара (Sarah)

Иако разликата меѓу имињата Сара и Sarah едвај се забележува, во Мароко една буква ја прави целата разлика. Sarah е забрането бидејќи правописот е премногу хебрејски, па родителите би морале да се одлучат за името Сара, поарапска верзија.

Цијанид

Мајка од Велс мислела дека Цијанид би бил добар избор за име бидејќи има „позитивна аура“ околу себе бидејќи бил отровот што го уби Хитлер. Судовите не се согласиле. Во многу необична пресуда, судија одлучил дека девојчето и нејзиниот брат близнак, кој го добил помалку „токсичното“ име Проповедник (Причер), ќе добијат нови имиња од нивните постари браќа и сестри.

Војвода (Дјук)

Кога ќе помислите на името Дјук, може да ви паднат на ум луѓе како Дјук Елингтон или Винстон Дјук, а во Австралија тоа не е пожелно. Им звучи премногу како титула.

Дијамант и Џинкс (Jinx)

Унгарија, исто така, има листа со одобрени имиња и прима апликации за 30 до 40 нови секој месец, од кои 10 до 15 се прифаќаат. Унгарскиот збор за дијамант „Gyémi“ и Jinx биле побарани, но не се нашле на списокот. Некои имиња што биле прифатени во последниве години се Лота, Бентли и Зев.

1069

Повеќето држави во САД не дозволуваат бројки во имиња. Кога маж од Северна Дакота сакал законски да го смени своето име во 1069, Врховниот суд на Северна Дакота (1976) и Врховниот суд на Минесота (1979) рекле дека имињата не можат да бидат бројки, известил магазинот „Слејт“.

Автор: Ема Михановиќ

Извор