Божиќните светилки поставени на улиците во едно шкотско гратче ги дизајнираа деца
Како божиќните светилки во Њубрг, Шкотска, нема други во светот. Имено, тие ги оживуваат цртежите на децата и на нив се претставени ирваси, ангели и мисирка.
Во организација на „Екшн груп“ од Њубрг, светилките беа приклучени во саботата. Фотографиите од нив станаа популарни на интернет, а многумина беа воодушевени од оригиналната идеја на шкотското гратче.
– Светилките се многу популарни во нашата локална заедница, а не сме виделе дека некој друг град има ваква идеја – напиша Попи Мекензи Смит, која ги постави фотографиите од декорациите на „Твитер“.
Our village Christmas lights are designed by the local primary kids and they are the single best thing about the festive season. pic.twitter.com/kDhfLk3Dcb
— Poppy McKenzie Smith (@GTOpoppy) November 16, 2020
– Идејата почна пред 20 години кога имавме обични светла. Но, откако почна натпреварот за дизајнирање на светлата, секоја година беше поставено едно светло дизајнирано од децата – додава таа.
Оваа година, градот одлучил сите светла да бидат дизајнирани токму од учениците.
