Музиката е една од најстарите уметности, се применува во секојдневната работа, како и во слободното време. Музика е уметност во која со помош на тонови човекот ги изразува своите емоции, мисли, желби и доживувања.
Свирењето на детски музички инструменти претставува посебно омилено подрачје на дечињата. Со музичките инструменти децата можат да импровизираат ритми, да придружуваат изучени песни што ги пеат, да погодуваат и пребаруваат по слух познати мелодии или да свират лесни и познати песни.

Детските музички инструменти во музичката литература се сретнуваат и под името Орфови инструменти. Името го добиле по германскиот композитор и музички педагог Карл Орф. Детските (Орфови) музички инструменти се создадени со поедноставување на некои музички инструменти од симфонискиот оркестар и од народните инструменти.

Детски музички инструменти се: тапан, дајре, стапчиња, тропалки, кастанети, чинели, триангл, ѕвончиња, тимпани, блок-флејта.

Ајде сега заедно да изработиме некој инструмент, а потоа да си ја испееме омилената песничка од „Светот на Биби“ во придружба на изработениот инструмент.

Нека почне забавата