Ако сте родител и припаѓате на генерацијата X (што значи луѓе родени помеѓу 1960 и 1980 година), веројатно не ви е лесно да им го опишете вашето детство на децата. Ова е генерација која не пораснала со интернет или мобилни телефони, а како родители воспитуваат деца кои воопшто не го познаваат светот без овие технолошки додатоци.

Еден татко внел голема носталгија во срцата на милиони луѓе од неговата генерација X објавувајќи видео на „Тик-ток“ кое станало вирално. Во обид да го спореди своето детство со детството на неговиот 8-годишен син Џастин, тој објавил фотографии и описи кои укажуваат на огромни разлики во начинот на кој тој растел, а гледајќи го ова видео, ќе се чувствувате како да сте скокнале назад во времето со временска машина.

„Ми недостигаат тие денови, технологијата однесе толку многу“, напишал некој корисник. „Ми недостасува ерата на 80-тите, но за жал ние децата бевме далечински управувач“, напишал друг. „80-тите не може да се објаснат“ напишал трет.

Иако денешните деца никогаш нема да дознаат дел од шармот на растењето во 80-тите, сигурно еден ден ќе имаат свои приказни за своите деца на кои ќе гледаат со љубов и носталгија.

Извор