Создавањето здрави навики за спиење и обезбедувањето мирен простор за одмор се меѓу најважните задачи на секој родител. Квалитетниот сон е неопходен за заздравување и физички развој на телото, но и за правилна работа на мозокот.

Недостигот на сон директно влијае врз расположението на детето, тоа станува раздразливо, а со текот на времето можат да се јават и проблеми во однесувањето или со менталното здравје, како што е анксиозноста. Исто така, недоволното спиење го нарушува и хормоналниот баланс кој ги регулира гладот и апетитот.

Потребата за сон се менува со растот и развојот на организмот:

• Новороденчиња (од 0 до 4 месеци): Потребни им се од 8 до 18 часа сон дневно.
• Бебиња (од 4 до 12 месеци): Им требаат од 12 до 16 часа сон (вклучувајќи ги и дневните дремки).
• Мали деца (од 1 до 2 години): Потребни им се од 11 до 14 часа сон дневно.
• Деца во претшколска возраст (од 3 до 5 години): Им требаат од 10 до 13 часа сон.
• Деца во школска возраст (од 6 до 12 години): Се препорачува од 9 до 12 часа сон секоја ноќ.
• Тинејџери (од 13 до 18 години): Потребни им се од 8 до 10 часа сон за нормално функционирање.

Обезбедувањето доволно часови сон е важно во секој период од животот бидејќи директно придонесува за правилен раст, развој, подобро паметење, совладување на училишниот материјал и зачувување на целокупниот имунитет.

Извор