Кај нас родителските средби главно се одржуваат групно, каде што одделенскиот наставник или класниот раководител ги презентира општите информации, успехот и организацијата за целото одделение. Поради тоа, родителите што имаат конкретни прашања или грижи за сопственото дете обично мора да почекаат и да останат за краток индивидуален разговор по завршувањето на состанокот.

Бидејќи по завршувањето на средбата има повеќе родители што чекаат за збор, времето за разговор во „четири очи“ со наставникот е исклучително кратко, најчесто само неколку минути.

За да ги искористите тие брзи минути на најдобар можен начин, една искусна учителка открива каде грешат повеќето родители.

Најголемата грешка при индивидуалниот разговор

Поранешна учителка со долгогодишно работно искуство во основно образование посочува една грешка што добронамерните родители ја прават без воопшто да бидат свесни за тоа.

Таа открива дека кога родителите конечно ќе дојдат на ред за разговор, речиси секогаш ги поставуваат следниве две прашања:

• „Дали е добар/а?“
• „Дали е сè во ред?“

Иако овие прашања звучат природно, учителката предупредува дека тие не ви ги даваат информациите што навистина ви се потребни и дека на тој начин го губите драгоценото време.

Зошто овие прашања не се соодветни?

Кога ќе прашате дали детето е „добро“, наставникот може да одговори потврдно доколку детето напредувало во споредба со тоа од каде што почнало. Но, тоа сепак не ви открива дали детето има дупки во знаењето или дали заостанува со материјалот предвиден за неговата возраст.

Кое е вистинското прашање што треба да го поставите?

Наместо тоа, кога ќе пристапите кај наставникот по родителската средба, поставете го следново директно прашање:

„Дали моето дете е на вистинскиот пат да ги исполни сите очекувани стандарди и да го совлада материјалот за својата возраст до крајот на годината?“

Иако учебната година носи многу промени, наставникот веќе има јасна слика за моменталното ниво на детето. Со ова прашање веднаш ќе дознаете дали има потреба од дополнително вежбање дома или да договорите посебен термин за подолг индивидуален разговор.

Извор