Зошто децата најлошо се однесуваат токму пред мајката? (вистината што ќе ви донесе олеснување)
Колку пати сте биле сведоци на сцена кога детето, кое дотогаш било мирно, во моментот кога ќе ја здогледа мајка си почнува да прави вистински хаос? Почнува да плаче, да вика или да го прави она што знае дека е забрането.
Иако ова е исцрпувачко за секоја мајка, науката и психологијата имаат објаснување кое всушност е огромен комплимент за мајките. Еве ги 4. клучни причини зошто децата се однесуваат најлошо во присуство на мама:
1. Се чувствуваат стопроцентно безбедно
Детето дури кога е со мама почнува да прави опасни акробации – да се качува по мебелот, да виси од каучот или да испробува небезбедни движења. Зошто? Затоа што од искуство знае дека мама е неговиот спасител. Тоа е сигурно дека мајката ќе го фати, ќе го заштити и нема да дозволи да се повреди, па затоа го избира нејзиното присуство за да ги тестира своите граници.
2. Го „потрошиле“ доброто однесување пред другите
Како што ние возрасните се воздржуваме и сме во згрчена, формална состојба пред непознати, истото го прават и децата. За нив е исклучително тешко да ги контролираат своите импулси. Кога се со баби, дедовци или во градинка, тие го вложуваат целиот свој напор да бидат добри. Кога конечно ќе дојде мама, тие целосно се опуштаат, го надоместуваат сиот тој притисок со слободно изразување.
3. Ги тестираат границите (и трпението на мама)
Реченицата „ми се качи на глава“ кај многу мајки е буквална реалност. Експертите објаснуваат дека ова е сосема нормален дел од растењето. Децата не го прават ова намерно за да ве повредат, туку едноставно тестираат до каде смеат да одат. Поместувањето на границите е нивниот начин да сфатат како функционира светот, а издржливоста на мајката се наоѓа на тој тест. Границите се важни, затоа – мајки, издржете!
4. Очајно бараат внимание
Децата се неверојатно мудри. Тие точно знаат што можат да направат пред својата мајка за да добијат внимание. Најбрзиот начин да ве натераат да ги погледнете не е со мирно седење, туку со правење сцена. Во тие моменти желбата за внимание е толку силна што детето е подготвено да ризикува дури и да добие казна, само за погледот да биде насочен кон него.
Следниот пат кога вашето дете ќе почне да збеснува штом ќе ве види, потсетете се: „Ова го прави затоа што ме сака и со мене се чувствува најбезбедно на светот.“ Вие сте неговото сигурно место каде што конечно може да биде целосно свое, со сите свои бури и емоции.
