Имате мало дете што инсистира да го држите в раце цело време? Секако, 3-годишно дете кое е приврзано за вас понекогаш звучи и изгледа многу симпатично, на пример, кога читате приказни на каучот или се гушкате пред спиење.

Но кога таа топла прегратка почнува да личи на „лепенка“ што не можете да ја одлепите и никакво убедување не помага, можно е да се соочувате со нешто поголемо.

Имајте предвид дека одредена приврзаност е целосно нормална кај малите деца. Но, ако не можете да завршите ништо затоа што детето постојано ви е в раце, време е да откриете што се случува.

Приврзаноста е вообичаен и нормален дел од развојот. Многу деца поминуваат низ фаза кога сакаат да бидат постојано в раце, особено од 1 до 4 години.

Причините може да бидат регресија, промени, емоции или физички потреби. Поддршката, трпението и внимателните стратегии можат да помогнат да се намали оваа фаза.

Што претставува приврзаноста кај малите деца?

Приврзаноста може да се појави како повторливи молби и цврсто држење за родителот. Најчесто започнува околу 1 година и трае во текот на раното детство. Ова однесување е повеќе од вообичаеното „носи ме!“ кога детето е уморно. Понекогаш изгледа како да одбива да ги користи своите нозе.

Знаци на приврзано дете

• Сака постојано да го држите;
• Плаче кога ќе го спуштите;
• Има тантруми кога одбивате да го носите;
• Постојано проверува каде сте;
• Не сака да спие, што може да е поврзано со приврзаноста;

Зошто некои деца се толку приврзани со родителите?

Регресија – вашето дете може да добие наплив на чувства и да бара утеха во тоа да биде носено;

Големи животни промени – ново братче/сестричка, преселба, промена на рутина – сето ова може да предизвика приврзаност.

Глад или замор – промените во распоредот можат да го направат детето значително поприврзано.

Болест или болка – забоболка, настинка и слично често го зголемуваат барањето за близина.

Страв или збунетост – детето можеби се исплашило од нешто и ја бара безбедноста што ја дава вашето присуство.

Совети за справување со приврзаноста:

Одвлекување внимание – направете го одењето забавно;
Охрабрување и емпатија – покажете разбирање;
Контакт со очи – спуштете се на нивото на детето;
Пофалби за самостојност – пофалете го детето;
Побавно темпо – децата брзо се изморуваат;
Нови искуства – постепено навикнување на нови луѓе и средини;
Постепено оддалечување – бидете блиску, па полека одете подалеку.

Кога завршува приврзаноста?

Иако нема одредена возраст, најчесто се намалува помеѓу 2 и 4 години, кога децата стануваат премногу големи за постојано носење.

Како и многу развојни фази, и оваа постепено исчезнува, а понекогаш родителите подоцна признаваат дека им недостигаат тие силни, малечки прегратки.

Извор