Гордон Ремзи „тежи“ 220 милиони, а на децата нема да им остави ни денар
Татко им е милионер, но тие растат како да немаат огромно наследство. Славниот готвач Гордон Ремзи не отстапува од своите цврсти принципи во воспитувањето на своите синови и ќерки, и не се грижи за критиките дека претерува во својата „скржавост“.
Но, не би можело да се каже дека е скржав, туку мудар и разумен. Гордон Ремзи, кој се смета за еден од најпознатите светски готвачи, поседува богатство од околу 220 милиони долари. Тој не планира да им го остави своето богатство на децата, ниту да ги вработи во своите ресторани.
Ремзи сака неговите деца да сфатат дека парите не паѓаат од небо и дека мора да се работи за да се заработи без протекции. Единствено ќе им помогне со четвртина од износот потребен за купување на првиот стан, за да можат полесно да си обезбедат сопствен дом кога ќе дојде време да станат независни.
Гордон Ремзи и неговата сопруга Тана, со која е во брак од 1996 година, имаат шест деца: Меган (26), близначките Холи и Џек (25), Тили (24), Оскар (6) и Џеси Џејмс (2).
Семејството живее на релација Британија – Америка, каде што Ремзи учествува во емисиите „Кујна од пеколот“ и „Мастер-шеф“. Патувањата се дел од нивното секојдневие, но познатиот готвач и неговата сопруга применуваат строги правила – додека тие патуваат прва класа, децата секогаш се во економска.
– Кога станува збор за одмори, им реков: „Немојте да се осмелите да трошите пари на лет во прва класа до Њујорк. Сите заедно тргнуваме на пат и сите заедно стигнуваме на дестинацијата. Размислете подобро што би можеле да направите со тие пари – изјави Ремзи во 2021 година.
Тој и неговата сопруга не им дозволуваат ни храна од прва класа.
– Тана и јас навистина сакаме да останат приземни и мотивирани – вели тој.
Правилото важи со години – уште во 2017 година готвачот изјави дека неговите деца не работеле толку напорно за да заслужат прва класа, ниту дека им е потребно такво искуство.
– Не сакам да седат таму со мени од десет јадења и шампањ. Не ми е срам. Тоа е наш избор за да ги научиме на дисциплина и да останат реални – вели тој.
Истото правило во воспитувањето го применуваат и пејачот Роби Вилијамс и неговата сопруга Ајда Филд, кои уште во 2013 година изјавија дека нивните деца мора да растат со вредности, а не со привилегии.
Сепак, децата на овие славни родители не живеат толку скромно и уживаат во многу придобивки што им ги овозможуваат милионите, но останува да се види дали и понатаму ќе останат скромни и вредни, како што посакуваат нивните родители.
