Сосема е нормално децата понекогаш да одбиваат одредена храна. Тоа не значи дека засекогаш ќе ја избегнуваат. Според британската национална здравствена служба, малите деца често не сакаат да пробаат нови вкусови или текстури. Иако тоа може да ги загрижи родителите, експертите порачуваат: ако детето е активно, напредува и изгледа здраво, не постои простор за паника.

За многу родители оброците претставуваат стресен момент, особено кога децата одбиваат да пробаат нешто ново. Некои едноставно не сакаат да излезат од својата „удобна зона“. Најважно е детето да внесува барем по една намирница од секоја основна група на храна: овошје и зеленчук, јаглехидрати, млечни производи (или нивни замени) и протеини.

Асистентка по работна терапија, со долгогодишно искуство во работа со деца, неодамна објави видео на „Тик-ток“ во кое открива клучен совет: на секој оброк, на чинијата треба да има една нова намирница, но без притисок.

– Ова е вистинската причина зошто вашето дете одбива нова храна – напишала таа во описот на видеото и објаснила дека како дете и самата била пребирлива.

– Родителите ме тераа да пробам нешто ново, но ако не ми се допаднеше по неколку залчиња, повеќе никогаш не ми го нудеа. Мислев дека ако нешто не ми се допадне двапати, никогаш нема да го засакам – раскажува таа.

@unpicky.kids

I was the “picky eater.” My parents made me try new foods— but if I didn’t like it after a couple bites, they figured that was that. I thought not liking something after 2 tries meant I never would. And once I pushed it away a few times, it disappeared from my plate for good. But when I became a pediatric OTA, I learned: 🧠 Tastes change. But only if the food sticks around. 👉 It can take 20+ exposures for a child to feel safe enough to even try a new food. So when your kid pushes it away—or ignores it completely? Sometimes it’s just unfamiliarity. 🍇 Let the food live on the plate. 🍇 No pressure. No drama. Because the goal isn’t “get them to like it.” It’s: help them feel safe with it first. ⸻ If meals feel really hard and you think something deeper might be going on—like ARFID, sensory needs, or trauma around food—comment SUPPORT and I’ll send you some next steps. If you’re just feeling stuck and want mealtimes to feel easier and calmer… Comment EASY and I’ll DM you the 5 things I stopped doing that helped most.

♬ Figure It Out – Blu DeTiger

Дури кога почнала да работи со деца, сфатила дека тоа не е вистинскиот пристап.

– Вкусовите се менуваат со текот на времето, но само ако храната остане достапна – вели таа.

Некои деца треба да бидат изложени на нова храна и повеќе од 20 пати пред да се почувствуваат доволно сигурни за да ја пробаат. Затоа е важно родителите да бидат трпеливи и да не го сфаќаат одбивањето како конечен став.

– Кога вашето дете ја турка храната настрана или се прави дека не ја гледа, понекогаш тоа е само затоа што му е непозната – објаснува таа.

Во видеото покажала пример со грозје кое му го ставала на чинијата на своето дете 11 дена по ред. Првите денови детето воопшто не обрнувало внимание. Кога конечно го пробало, го исплукало. Но по неколку дена, го изело и го засакало.

Таа советува новата храна секогаш да биде присутна на чинијата, но без притисок и драма.

Извор