Приказната започнува во работилница во Данска

Сè започнало во 1932 година во малото гратче Билунд, Данска, кога столарот Оле Кирк Кристијансен, за време на Големата депресија, изработувал дрвени играчки за деца. Две години подоцна тој ја именувал својата мала компанија ЛЕГО, кратенка од данскиот „leg godt“, што значи „играј си убаво“.

Првите пластични коцки се појавиле во 1949 година, но тие не станале веднаш хит – во тоа време дрвените играчки биле попопуларни. Сепак, Кристијансен верувал во својата идеја и работел на совршен систем за спојување на коцките.

Дали знаете…

-ЛЕГО е најголемиот производител на гуми во светот – но не за автомобили, туку за малите тркала на неговите комплети.

-Во светот има над 400 милијарди лего-коцки – тоа е доволно за да се дистрибуираат по три коцки за секој човек на планетата.

-Околу 1.300 лего-делови се произведуваат секоја секунда.

-Сите лего-коцки направени од 1958 година до денес сè уште можат совршено да се вклопат.

-Постои лего-реплика на „Титаник“ која има 9.090 делчиња и е долга 135 см.

Генијална идеја што трае

Денес, препознатливиот систем за поврзување на лего-коцки бил воведен во 1958 година. Од тој момент, секоја коцка може да се комбинира со друга – без разлика кога била направена. Ова значи дека коцките што сте ги добиле пред 40 години сè уште се совршена комбинација за оние од продавница денес.

Зошто сè уште им се омилени на децата?

Лего-коцките не се само играчки – тие се алатки за имагинацијата. Дете кое гради куќа, вселенски брод или замок учи како да планира, да размислува просторно, да развива фини моторни вештини и да решава проблеми.

Родителите ги сакаат затоа што поттикнуваат креативност без екран, а децата ги сакаат затоа што нема „погрешен“ начин за играње.

Извор