Дури и кога не се целосно свесни за тоа, многу родители имаат омилено дете, покажуваат истражувањата. Таа скриена наклонетост, често изразена преку однесувањето, вниманието или јазикот кон едно од децата, може да биде суптилна, но присутна и се јавува во повеќе од 65 отсто од семејствата. Ова се најчестите 11 причини поради кои родителите повеќе ги преферираат некои од своите возрасни деца:

Го делат истиот поглед кон светот – родителите почесто се поврзуваат со дете кое има исти вредности, ставови и погледи кон светот бидејќи така избегнуваат конфликти и тешки разговори.

Живее блиску до нив – физичката близина овозможува повеќе заедничко време, што природно води до поголема интимност и поврзаност.

На родителите им покажуваат чувство на благодарност – децата што покажуваат благодарност, љубезност и почит ги прават родителите посреќни и исполнети.

Не се расправаат со нив – мирната комуникација и избегнувањето конфликти ја прават врската со едно дете попријатна и помалку стресна.

Го следат патот што родителот го замислувал – родителите се понаклонети кон децата кои ги исполнуваат нивните очекувања: студии, кариера, брак или деца.

Имаат сличен карактер – сличниот темперамент го олеснува разбирањето и заедничкото функционирање без потреба од голема емпатија или приспособување.

Одговорни се и помагаат – кога детето редовно помага, се појавува кога е потребно и покажува грижа, тоа природно станува поблиско со родителот.

Не бараат многу и не поставуваат строги граници – оние што се „лесни за одржување“ и не бараат емотивен напор, обично се сметаат и за „полесни“ за љубов.

Сакаат исти нешта од животот – кога детето ги споделува животните цели на родителот, тоа создава чувство на задоволство и потврда.

Сè уште имаат потреба од родителот – родителите што се борат со празнината на одделување почесто се поврзуваат со деца кои и понатаму зависат од нив.

Предвидливи се и стабилни – во нестабилни времиња родителите преферираат деца кои се доследни и не изненадуваат со ненадејни промени.

Извор