Дедо Мраз и Свети Никола се дел од традицијата, усна традиција која ја паметат сите генерации, во зависност од времето во кое пораснале. Додека некои претходни генерации ја слушале приказната за бебето Исус кој ќе им донесе подароци под дрвото ако се добри во текот на годината, со текот на времето приказната за Дедо Мраз стана прифатена низ западните земји во светот.
Во градинките и во училиштата од почетокот на декември се пишуваат писма или цртежи до Дедо Мраз, а децата до одредена возраст веруваат дека тој навистина постои. За тоа придонесуваат и американските филмови и Лапонија во Финска, која е популарната туристичка дестинација каде што живее Дедо Мраз и од каде што тргнува на своето патување низ светот. Но, откако ќе достигнат одредена возраст, родителите почнуваат да се мачат како да му објаснат на своето дете дека Дедо Мраз не постои. Нова кампања на Црвениот крст, со која се поставуваат огромни плакати низ цела Хрватска со натпис „Дедо Мраз не постои“, не им ја дава на родителите помошта на која се надеваат.
Имено, многу деца знаат да читаат пред да тргнат на училиште, или постарите браќа и сестри можат да им прочитаат порака која може да значи големо разочарување во детските срца.
Оваа празнична хуманитарна иницијатива е придружена со силна и донекаде провокативна порака „Дедо Мраз не постои“, а нејзината цел е да го поттикне секој поединец да размислува и да стане свесен за важноста на индивидуалниот придонес. Хрватскиот Црвен крст сака да нагласи дека помагањето на најранливите групи во општеството не е магичен процес кој се одвива сам по себе.
-Секој поединец кој може да им даде поддршка на оние родители што не можат да си дозволат подарок за нивните деца или да обезбедат пристоен оброк на семејната трпеза оваа празнична сезона, треба да ја преземе улогата на Дедо Мраз. Оваа иницијатива повикува на емпатија и ангажман од сите членови на заедницата, нагласувајќи дека токму малите, но заеднички напори можат да донесат топлина и надеж за оние на кои тоа им треба најмногу – се наведува на веб-страницата на Црвениот крст.
Целта на хуманитарната иницијатива е да ги поттикне граѓаните редовно да донираат во хуманитарните програми на Црвен крст. Причината за оваа иницијатива е тешката животна ситуација на десетици илјади луѓе во Хрватска кои живеат во сиромаштија.
Верувањето во Дедо Мраз го поттикнува развојот на креативното размислување
Бидејќи овие приказни им помагаат на децата да ја развијат својата имагинација и да им поставуваат прашања на родителите, верувањето во приказните за Дедо Мраз всушност не е лоша работа, бидејќи го поттикнува развојот на креативното размислување. Можеби е најдобро да ја започнеме приказната со идејата дека Дедо Мраз живее таму каде што сѐ е можно, во нашата имагинација и срца.
Автор: Тајана Третњак
912