Знаев, знаев, знаев дека ќе го најдеме толку потребниот поетски лек за рипката на Артур.
Драги мои другарчиња, Леон сега повторно весело си пливка во аквариумот на Артур, и триејќи си го устето од стаклото ни праќа бакнежи што ѝ ја вративме радоста. Артур, пак, од среќа направи ѕвезда, потоа стој на раце и испушти неколку досега нечуени звуци – зашто баш во моментот не можеше да се сети на зборовите што би изразиле вселенска среќа.

Мисијата беше толку успешна, што не една, туку две песнички го имаа лековитото дејство. Тоа го тестиравме на нашиот пациент Леон. Понасмеана фацка не верувам дека сме виделе. Па, не можевме да го занемариме тој факт и затоа двајца успешни лекари ќе си добијат книга за подарок.

За да се уверите и сами – ви ги претставуваме победничките песни. И ви препорачуваме: кога ќе бидете снеможени, кога носето ќе ви шмрцка, или ќе поткашлувате, да си ги прочитате песничките. Ефектот е гарантиран, а вие – излечени.

Ластовички идат куп
ти болничко падна буп
ни пролетта како иде
годинава не ја виде.
Со перките не ми мафташ
сал зеленееш и кашлаш
ни шалчето не го тргаш
на училиште не брзаш.
Ќе ти турам мило рипче
на носето едно штипче
да не капе, да не тече
аквариумот ќе претече.
Ќе ти купам вкусна боза
и млекценце од коза
ќе те завиткам до уши
во ливчињата од роза.
Ќе те гушкам се до утре
ќе ти купам бело кутре
да те скокотка под мишка
и комарци да ти ишка.
Ма те зезам, се шегувам
сам не знам да лекувам
Но мамушка знае се’
и за тебе ќе смисли лек.
****
Мачето мјау
Колата брм
Рипчето мое
Се боцна на трн.
Кутрето ав
перката го пече
не грижи се рипче
мама ханзапласт сече.
Патката ква
надвор сонце грее
оздравувај рипче
ми се игра, ми се пее.
Глувчето цив
другарчето оп
никој не е крив
пливај ти, јас скок скок.


912

X