Апетитот за грицки е чест кај децата, но индустриските грицки се главно „празни калории“, храна со изобилство на штетни масти, шеќери и сол, поради што не треба да бидат редовен дел од детската исхрана.

Наместо тоа, тие производи давајте ги во многу мали количини или уште подобро, заменете ги со хранливи и здрави алтернативи кои даваат стабилна енергија, витамини и минерали.

Здрави предлози за слатки ужини

• Овошје и овошен јогурт: Шеќерот од овошјето побавно се апсорбира во организмот и обезбедува стабилна енергија подолг период за разлика од рафинираниот шеќер од слатките.
• Домашен пудинг со додатоци: Подгответе пудинг и збогатете го со јаткасти плодови (лешници, бадеми, ф’стаци) или направете сутлијаш со малку цимет.
• Суво грозје и суво овошје: Додавањето суво грозје во овошниот јогурт или пудингот дополнително го зголемува нивното нутритивно ниво.

Солени и житни идеи за ужина

• Интегрален леб со намаз: Парче интегрален леб комбиниран со здрав намаз или природен мармалад.
• Јогурт со интегрален леб: Едноставна, здрава комбинација за меѓуоброк.
• Житни снегулки: Подготвени со млеко, јогурт или природен овошен сок.

Со едноставна замена на индустриските грицки со овие намирници, на детето му обезбедувате вистински хранливи материи потребни за неговиот правилен раст и развој.

Извор