Која крвна група ќе ја има вашето бебе?
Ако се прашувате која крвна група ќе ја има вашето бебе, одговорот лежи во генетиката. Дали детето ќе има крвна група А, Б, АБ или 0, зависи од комбинацијата на крвните групи на родителите.
Што ги одредува крвните групи и Rh-факторот?
Крвните групи и Rh-факторот ги открил австриско-американскиот научник Карл Ландштајнер. Крвта се дели на четири групи, А, Б, АБ и 0, во зависност од тоа дали во црвените крвни зрнца има одредени протеини.
Покрај оваа поделба, секоја крвна група е позитивна или негативна, во зависност од присуството на Rh-факторот. Овој фактор е од голема важност во бременоста. Доколку мајката има негативен Rh-фактор, а таткото позитивен, бебето може да го наследи позитивниот фактор од таткото. Оваа разлика обично не прави проблем во првата бременост, но бара редовно лекарско следење за следните бремености.
Логика на наследувањето
Исто како и бојата на очите, крвната група се наследува преку гените. Начинот на комбинација е едноставен и логичен:
- Кога двајцата родители имаат 0 крвна група, бебето ги има истите гени и гарантирано ќе има 0 крвна група.
- Ако едниот родител има 0, а другиот А или Б, детето ја наследува групата од родителот со А или Б, но може да биде и 0.
- Ако едниот родител има 0, а другиот АБ, детето може да биде или А или Б крвна група, но никогаш нема да биде 0 или АБ.
- Кога едниот родител има А, а другиот Б, постојат еднакви шанси детето да наследи која било од четирите крвни групи (А, Б, АБ или 0).
- Ако двајцата родители имаат АБ група, детето може да наследи А, Б или АБ, но не може да биде 0.
Статистика и занимливости
Според податоците од глобалните медицински регистри, најзастапена крвна група во светот е 0 позитивна (0+), која ја имаат околу 42 % од луѓето.
Лицата со 0 крвна група се познати како универзални дарители, со тоа што 0+ може да се дарува само на лица со позитивен Rh-фактор. Од друга страна, 0 негативна (0-) е вистински универзален дарител за сите, но оваа група ја имаат само околу 3 % од светското население. Како најретка крвна група во светот се издвојува АБ негативна (АБ-).
