Зошто д-р Габор Мате не би му дозволил телефон на мало дете?
Д-р Габор Мате, познатиот лекар и автор од областа на детскиот развој и траумата, изнесува јасен и искрен став: доколку денес би бил млад родител, воопшто не би им дозволил на децата пристап до паметните телефони.
Тој ја прави следната едноставна, но моќна аналогија:
Како што никогаш не би му дале на тригодишно дете да управува автомобил, туку тоа го прави кога ќе созрее и ќе исполни соодветна возраст, истото правило мора да важи и за екраните.
Паметните телефони, апликациите и видеоигрите се специјално дизајнирани за да предизвикуваат зависност и да го привлекуваат вниманието на мозокот што сè уште е во развој. Единствениот здрав начин за нивно користење во раното детство, според д-р Мате, е краткотрајна видеоврска, за детето да се види со роднините, бабата и дедото кои живеат подалеку и ништо повеќе од тоа.
За правилен емоционален и когнитивен развој, на малите деца им се потребни вистински социјални интеракции, игра во реалниот свет и длабока поврзаност со родителите, а не уреди што создаваат зависност уште од најрана возраст.
Погледнете го видеото во продолжение:
