Жените што биле најмалку изложени на ризик од неплодност јаделе помалку трансмасни киселини и прости јаглехидрати кои се богати со шеќер и консумирале повеќе растителни отколку животински протеини, повеќе влакна и железо и земале витамински препарати.

Исто така, тие консумирале повеќе полномасни млечни производи, а помалку производи со намалена содржина на масти.

– Зголемениот внес на овошје, зеленчук, житарки од цели зрна, мешунки, грашок, семки, јаткасти плодови, свежи млечни производи, риба, посно месо и растителни масла придонесува за зголемена плодност – вели нутриционистот Кармен Матковиќ Мелки. Овие намирници градат здрав хормонален систем со своите корисни хранливи материи, а со своите антиоксиданси можат да ги заштитат јајце-клетките и спермата од слободните радикали.

Како што постои храна која ја поддржува бременоста, постои и храна која може да биде штетна за целокупното здравје и здравјето на репродуктивниот систем на жената. Тоа се: црвено месо со видливи масти, месни производи, грицки, готови преливи за салати, засладени сокови, производи кои содржат рафинирани шеќери, индустриски, полуготови, готови и пржени јадења.

Донатела Вербанац, биохемичарка и нутриционист, предлага три најважни препорачани додатоци во исхраната за жените кои сакаат да забременат.

– Првата е фолната киселина, која како фактор на раст е важна за правилна подготовка на женското тело за зачнување, но и за правилен раст и развој на плодот. Освен што ја земаат како додаток во исхраната, жените можат да го зголемат и внесот на храна која го содржи: зелен листест зеленчук, мешунки, сушено овошје и пченични никулци – вели Вербанац.

Важно е да се зголеми внесот на цинк кој, меѓу другото, учествува и во регулацијата на естрогенот и прогестеронот. Можете да го најдете во месото, рибата, сувото овошје, мешунките и житарките.

Доколку не консумирате производи од кравјо млеко, треба да најдете алтернативен извор на калциум. Тоа може да бидат суплементи и намаз од козјо млеко и сусам. Исто така, важно е да се внимава на телесната тежина – и преголемата и премалата тежина може да предизвикаат неправилен циклус, што влијае на неправилните овулации.

Месечен план за исхрана

Ема Канон, британски холистички експерт за женско здравје и плодност, во своите книги за зголемување на плодноста советува постепено да ги воведуваме следните промени во текот на еден месец:

• Исфрлање од повеќето преработени или пакувани јадења;
• Складирајте цели зрна (киноа, овес), мешунки, семки (сусам, тиква, чиа), јаткасти плодови (бадеми, ореви), билни чаеви, путер од јаткасти плодови, суви алги, сушено овошје, какао и растителни масла (маслиново, кокосово);
• Јадете од 5 до 8 порции овошје и зеленчук на ден;
• Јадете супа од коцка;
• Започнете го денот со топла лимонада, а за појадок пригответе: јајца, авокадо, козјо или овчо сирење со ‘ржан леб или каша од цели зрна со семки;
• Ручекот нека ви биде главниот оброк, а вечерата најдоцна до 19 часот за подобро варење;
• Пијте два литра вода на собна температура и билни чаеви, но не со оброкот;
• Јадете во мир, добро џвакајте ја храната без да гледате во телевизорот, компјутерот, екранот на телефонот.

Извор