Родителството е една од најубавите и најсложени улоги во животот. Во метежот и хаосот околу грижата за децата, работата и домашните обврски, родителите често ја занемаруваат грижата за себе. Сепак, грижата за сопствената благосостојба не е себичен чин, тоа е клучна практика која им овозможува на родителите да бидат најдобрата верзија од себе за своите деца.

Грижата за себе вклучува активности кои го одржуваат и подобруваат физичкото, емоционалното и менталното здравје, како што се здрава исхрана, доволно сон, хоби, вежбање и моменти на релаксација. Иако родителите често се чувствуваат виновни, грижата за себе не е запоставување на своите деца, туку начин да ги зајакнат нивните способности и да го обезбедат најдоброто за своето семејство.

Ова се четирите причини зошто е важно родителите покрај децата, да се грижат и за себе:

Спречување исцрпеност

Родителството на мали деца може да биде физички и емоционално исцрпувачки. Без редовен одмор, родителите ризикуваат високо ниво на исцрпеност, што влијае и врз нив и врз емотивната атмосфера во домаќинството.

Формирање здрави навики

Кога родителите се грижат за себе, тие им ја покажуваат на децата важноста на здравите навики, помагајќи им да развијат сопствени модели на грижа за себе. Создавањето такви навики може да има позитивно долгорочно влијание врз нивната врска, во која тие меѓусебно се охрабруваат за да се грижат за сопствената благосостојба.

Поддршка на емоционалната стабилност

Редовното опуштање и вежбање им помагаат на родителите да ги регулираат своите емоции, овозможувајќи им да останат смирени и да бидат позитивен пример за своите деца.

Зајакнување на односите

Кога родителите се под стрес или се исцрпени, нивните односи со партнерите, децата и другите може да страдаат. Со приоритизирање на сопствените потреби, родителите можат да ги зајакнат своите врски со своите деца и партнери, создавајќи основа за позитивни и значајни интеракции.

Практични совети за грижа за себе

Покрај причините зошто е важно да се грижите за себе, има и неколку практични совети како вие како родители да го направите тоа.

Започнете со мали чекори: дури и неколку минути на ден може да направат разлика. Започнете со едноставни активности како пиење кафе, истегнување или кратка прошетка.

Планирајте го вашето време: закажете третман „грижа за себе“ како да закажувате важен состанок. Одвојте време за топла бања, хоби или релаксација за време на спиењето на вашето дете.

Поврзете се со другите: побарајте помош од семејството или пријателите. Поддршката од заедницата ја олеснува грижата за себе.

Споделете ги обврските: Разговарајте со партнерот за рамномерно делење на задачите за и двајцата да имате време за одмор.

Побарајте стручна помош: Доколку е потребно, контактирајте со професионалец за терапија, советување или здравствен совет.

Извор