Дали понекогаш мислите дека сите бебиња спијат толку лесно и слатко и дека само вашето има проблеми?

Студија спроведена на речиси 1.500 трудници се обидела да ја расветли оваа појава. Откриено е дека бебињата чии мајки имале лошо ментално и физичко здравје за време на бременоста ќе имаат тешкотии со спиењето. Колку и да се точни овие податоци, тоа е дополнителна причина да се грижиме за здравјето на жената за време на бременоста.

Зошто некои бебиња спијат полошо?

Општо е познато дека состојбите како анксиозност, депресија, стрес и семејно насилство може да доведат до лоши здравствени резултати за доенчињата. Меѓутоа, сега се смета дека тие влијаат и врз квалитетот на сонот. Потоа може да се заклучи дека некои бебиња веќе во утробата однапред одредиле какви ќе бидат нивните навики за спиење. Тие не зависат премногу од нив, туку според ова ново истражување, од начинот на живот на нивната мајка. Студијата, исто така, открила дека голем процент од мајките, околу 60 отсто од нив, имаат проблеми со сонот на своето бебе, најмногу во текот на првата година од животот. Од тие 60, 20 проценти пријавиле „посериозни и потешки“ проблеми, а се верува дека имале проблеми со менталното или физичкото здравје за време на бременоста.

Така, експертите заклучиле дека спиењето на детето значително повеќе ќе биде под влијание на благосостојбата на мајката отколку на нејзините методи на воспитување. Со овие нови информации се надеваат дека здравјето на жената за време на бременоста ќе добие уште поголем приоритет. Физичкото, кое ни паѓа на ум прво на сите нас, но и занемареното емотивно здравје на трудницата треба да им бидат приоритет на нејзиното семејство и на лекарите.

Извор