Иако можеби не е изненадување за родителите што децата може да се понервозни и да се глупираат повеќе од вообичаено кога се уморни, понекогаш е тешко да се разбере зошто се случува тоа. Но, како и повеќето работи што влијаат врз однесувањето на децата, сè може да следи до хемискиот состав на мозокот и телото, како и до развојот на децата. Затоа е многу важно децата да го имаат потребниот дневен сон за да нема реакции во телото кои предизвикуваат промени во однесувањето.
Според „Хелтлајн“, половина од децата на возраст од 6 до 17 години ги немаат потребните девет часа сон дневно. Децата се оптоваруваат со различни обврски и организирани активности, кои можат да ги подигнат нивните емоции.
Хормони
Најголемата причина зошто децата можат да станат премногу палави кога се уморни е зголеменото лачење на хормоните. Според „Веривел фемили“ , детскиот мозок не реагира на ист начин како мозокот на возрасните. Затоа, додека возрасните стануваат поспани и слаби кога се уморни, децата лачат повеќе кортизол и адреналин. Овие дополнителни хормони им даваат на децата излив на енергија. И оваа енергија ќе ги натера да се однесуваат палаво и неконтролирано.
Телото и умот не се совпаѓаат
Кога децата се премногу уморни, нивниот мозок и тело не се усогласени. И кога тоа ќе се случи, тие почнуваат да се глупираат. Според „Харвард Т.Х. – училиште за јавно здравје – Чен“, се ослободува мелатонин за да му помогне на телото да се смири во текот на вечерта. Меѓутоа, кога телото истовремено ослободува не само мелатонин, туку и кортизол и адреналин, умот и телото повеќе не се во рамнотежа. Затоа, кога децата се однесуваат претерано диво поради замор, нивните тела буквално испраќаат мешани сигнали до нивниот мозок. И само кога нивото на кортизол и адреналин ќе се смират, децата ќе можат да се опуштат и да спијат.
Детскиот мозок е пољубопитен
Мозокот на децата е пополн со љубопитност и возбуда од мозоците на возрасните. Детскиот мозок е желен за нови информации и учење за природата и светот. Треба да се поттикне љубовта кон љубопитноста, освен ако не е време за одмор, бидејќи љубопитноста може да доведе до тоа мозокот да остане премногу активен и на телото да му треба сон.
912