Според едно истражување, внуците што имаат близок емотивен однос со бабите имаат помала веројатност да бидат депресивни. За среќа, бабите им покажуваат многу љубов на своите внуци, понекогаш дури и повеќе отколку што им покажувале на своите деца и има причини зошто е така.

Колку се постари луѓето, толку се помеки и позрели

Луѓето стануваат баби откако ќе поминат живот полн со донесување одлуки, победи и разочарувања. Значи, со тие научени лекции од животот стануваат помеки, позрели и поотворени за градење врски со другите луѓе, почнувајќи од своите внуци.

Бабите имаат различни приоритети

Кога сте баба, приоритетите се менуваат. Вашите деца се пораснати и не им е потребна толку голема помош од вас. Обично имате повеќе време што можете да го поминувате со вашите внуци бидејќи сте поблиску до пензија отколку кога сте биле родители или, пак, веќе сте во пензија, а тоа време го користите да ги научите вашите внуци на она што го знаете.

Како баба, ќе се обидете да им го посветите целото внимание кога сте со нив за тие да ве паметат. За тоа да се случи, треба да им покажете безусловна љубов.

Бабите не се толку критички настроени како родителите

Обично на децата им е лесно да ги сакаат родителите затоа што живеат со нив и создаваат силна врска. Сепак, родителите понекогаш се многу критички настроени кога станува збор за своите деца, а тоа може да ги фрустрира.

Спротивно на тоа, бабите не ги казнуваат своите внуци кога лошо се однесуваат, и не толку како што ги казнувале своите деца. Бабите секогаш се обидуваат да ги придобијат внуците и се познати по тоа што ги разгалуваат со љубов и други работи.

Го прават за своите внуци она што не можеле да го направат за своите деца

Кога стануваат баби, за своите внуци прават работи што никогаш немале шанса да ги прават за своите деца. Исто така, може да анализираат што погрешиле на емоционално ниво со своите деца и да се поправат со новата генерација. Може да ја изразат својата љубов за своите внуци без стрес, одговорности и грижата што, на пример, ја има родителот.

Улогата на бабата е помалку комплицирана и стресна

Обично родителите се тие што на децата треба да им ги обезбедат основните потреби и образование, така што бабите повеќе ја немаат таа улога. Иако улогата на бабата е исто толку важна, таа ги нема истите одговорности како родителите. Нивната улога е повеќе насочена кон овозможување емоционална поддршка на внуците.

Извор