Животни навики што децата ги копираат од родителите
Децата се вистински експерти во набљудувањето на однесувањето на возрасните и лесно ја усвојуваат секоја навика и животна вештина. Тие учат од примерите што ги гледаат во своето семејство и често ги моделираат нивните навики и однесувања за цел живот.
Родителите имаат најголемо влијание во формирањето на децата, а ова се некои од животните навики што децата ги примаат од нив:
Ранливост
Една од најважните животни вештини е способноста да ги изразите чувствата и да ги споделите со блиските. Родителите играат клучна улога во тоа дали децата ќе научат да ги ценат и изразуваат своите чувства, а тоа најлесно се учи во семејството.
Манири
Родителите се најголемиот пример за основни манири, како што се кажувањето „те молам“ и „фала“. Најдобар начин децата да научат манири е преку модел на добри навики и почитување.
Грижи
Децата често ги „преземаат“ грижите од нивните родители, особено кога тие се фокусирани на негативни сценарија, и ова може да го пренесат како навика во нивниот живот.
Чувство на вина
Децата што често се критикувани или кога родителите ги срамат кога нешто ќе направат погрешно, развиваат чувство на постојано потценување на себеси и самокритичност во животот.
Како да ги сакаат другите
Родителите ги учат децата за љубовта преку секојдневните интеракции. Ако љубовта е топла, со почит и изразена, децата ќе знаат како да сакаат и почитуваат и кога ќе пораснат.
Осудување
Децата учат како да им судат на другите, особено ако родителите често критикуваат луѓе врз основа на нивниот изглед или постапки. Ова може да води до нарушена самопочит и однос со другите.
Како да се сакаат себеси
Децата ги учат навиките на грижа за себе и како да се сакаат преку примерот на родителите. Ако родителите имаат проблеми со себе и меѓусебните односи, децата го „преземаат“ ова од нивните родители.
Отпорност
Родителите што ги учат децата на доверба и самостојност истовремено ја развиваат нивната способност да се приспособуваат на тешки ситуации и да останат цврсти и отпорни. Овој процес на учење од родителите ги прави децата помалку подложни на стрес.
