Драга суперкул мајко,

Ти не ме познаваш и јас не те познавам тебе, но мојот син Тимоти понекогаш седи покрај твојот син на училиште. Тимоти е одлично дете. Тој е љубопитен и паметен и е најљубезното дете што го знам. За жал, другите деца не можат да го видат тоа.

Тимоти има тешко нарушување од спектарот на аутизам. Тој е исто така седумгодишно мало момче кое сака и игра со целото свое срце. Нему му треба дополнителна помош на училиште и понекогаш изгледа едноставно несвесен за тоа што се случува пред него. Но, немојте да се излажете – тој може да направи сè штом ќе размисли.
Сака пријатели, но понекогаш не знае како да ги стекне. Сака да игра, но понекогаш не знае да праша. Тој сака да биде вклучен, но понекогаш не знае како.

Ние, родителите на деца со посебни потреби, многу добро ја знаеме повредата што ја чувствуваат нашите деца кога се изоставени од друштвените собири. Организирање спортови, играње, преспивање кај пријатели и да – страшните роденденски забави. Можам од срце да кажам дека мојот син не присуствуваше на ниту една од забавите. Добивме безброј покани во изминатите неколку години, но најмногу од деца што го покануваат целото одделение. Не сфаќајте ме погрешно, благодарна сум. Но, се прашувам дали родителите знаат што ќе се случи ако го доведам Тимоти? Колку би мразела да го свртам вниманието од славеникот на моето дете.

Затоа учтиво одбивавме. Секој еден. Сѐ додека вашата покана не пристигна по пошта со посебна напомена. На неа пишуваше: „Картер седеше покрај Тимоти на училиште и тој секогаш зборуваше за него. Навистина се надевам дека ќе дојде. Имаме водни пиштоли. Можеби Тимоти може да дојде порано во текот на денот, ако му е премногу за да биде со целото одделение. Кажете ми што можеме да направиме за сето тоа да функционира“. Вие го напишавте токму она што требаше да го видам тој ден. Поради вашиот син, тој е вклучен. Поради вашиот син, тој се чувствува посакуван. Поради вашиот син, тој има глас.

И сакам да знаете дека поради вас, можам да поминам уште еден ден.

Поради вас, можам да поминам уште еден состанок.

Поради вас, можам да слушам повеќе и повеќе прашања.

Поради вас, имам надеж за иднината на Тимоти. Само сакав да ви кажам каква фантастична работа правите со вашиот син.

Оваа мајка ќе одговори со „да!“ првпат досега. И едвај чекам.

Автор: Триш Клајн

Извор