Дали знаете дека слепото црево е еден од најпроблематичните органи во дигестивниот систем на детето?
Овој „недоразвиен“ дел од цревата често предизвикува големи проблеми, а доколку навреме не се дијагностицира неговото воспаление, може да доведе до фатални последици.
Дали е тоа всушност слепото црево?
Слепото црево е почетниот дел од дебелото црево, иако самото по себе не е „слепо“. Имено, според лекарите, слепото црево е оној дел од дебелото црево што завршува како торбичка во тенкото црево. Она што лаиците го нарекуваат слепо црево е дел кој излегува од дебелото црево и не се поврзува со остатокот од цревата, туку виси свртен кон карлицата.
Слепото црево е парче од дебелото црево, обично до 8 сантиметри долго и 7 милиметри дебело.
Епитетот „непотребен“ за слепото црево се „лепи“ бидејќи е непотребен остаток од минатото на човековиот развој.
Воспаление на слепо црево: симптоми
Апендицитис или воспаление на слепо црево е акутно воспаление кое предизвикува силна абдоминална болка, губење течности и осетливост на абдоминалната област на допир. Болката се шири во долниот десен квадрант на абдоменот, а се зголемува со кашлање, кивање или смеење. Генерално со истегнување на стомачните мускули.
Кај децата ќе препознаете болка во препоните кога имаат проблеми со станување од кревет, често остануваат во „стуткана“ положба. Постарите деца ќе се жалат на стомачна болка.
Кај доенчињата, болката нема да биде локализирана, а чувствителноста може дури и да отсуствува. Исто така, ректалната температура често се зголемува помеѓу 37,7 и 38,3 степени.
Симптоми кај деца
-гадење и повраќање
-висока температура
-болка на десната страна на стомакот, а понекогаш и во грбот
-болка која не поминува дури и по промена на положбата
-болка особено при продолжување на десниот колк – на пример, кога се спуштате по скали
-често мокрење
-дијареја
-запек.
Дијагноза
Лекарот ја поставува дијагнозата врз основа на клиничката слика, односно класичните симптоми на воспаление на слепото црево.
Ако, на пример, изворот на болката не е јасен, лекарот ќе направи КТ скен со контраст за да го потврди постоењето на воспаление пред операцијата.
912