Во клиничката болница „Жан Митрев“ беше изведена една од најкомплицираните кардиохируршки операции кај новороденче. Како што информираат оттаму, станува збор за тотална транспозиција на главни крвни садови, една од најкомплексните аномалии на срцето.

– Со оваа операција покажуваме дека во клиничката болница „Жан Митрев“ веќе има можност ваквите пациенти да се оперираат во нашата држава од домашен тим – велат од оваа здравствена установа.