Според законот што стапил во сила на 1 јануари, мажите во Њујорк ќе можат да им ги менуваат пелените на своите бебиња во јавните тоалети.
Сите нови и реновирани објекти во Њујорк сега мора да имаат маси за преслекување бебиња во машките и во женските тоалети, за и двајцата родители да имаат еднаква можност да се грижат за своите деца.

Ендру Комо, гувернер на Њујорк,  го најави овој закон уште во април минатата година велејќи дека сите родители заслужуваат чист и сигурен простор за грижа за потребите на своите бебиња.
Новиот закон ќе се однесува на ресторани, продавници и државни објекти, пишува „Ју-ес-еј тудеј“.